Notat e lojtarëve: Liverpool 2-5 Real, shkëlqejnë golashënuesit – zhgënjejnë portierët

Me një rikthim të jashtëzakonshëm, Real Madridi e ka nëpërkëmbur Liverpoolin në Anfield në ndeshjen e parë të 1/8 së finales në Ligën e Kampionëve.

Los Blancos pranuan dy gola në minutat e parë, mirëpo ishin sensacionalë në vazhdim duke shënuar pesë herë në portën e Redsave, ashtu që kanë marrë notë mesatare dukshëm më të lartë se ekipi vendas.

Golashënuesit e dyfishtë që ishin po ashtu edhe asistues, Vinicius Junior e Karim Benzema, janë më të vlerësuarit të ndjekur nga Eder Militao, i cili po ashtu shënoi.

Te vendasit është veçuar paraqitja e Mohamed Salah, i cili asistoi në golin e parë dhe e realizoi golin e dytë.

Alisson Becker ka marrë notën më të ulët në ndeshje, i ndjekur nga mbrojtësit e tij, derisa më mirë nuk ka kaluar as portieri në anën tjetër, Thibaut Courtois, i cili po ashtu bëri një gafë sikurse homologu i tij.

Në vijim është vlerësimi i plotë i lojtarëve të të dyja skuadrave në ndeshjen Liverpool 2-5 Real Madrid. /Telegrafi/