Një heroinë si Vasfije Krasniqi, Fatmir Spahiu: Ajo është monument i gjallë, duhet t’i përkulemi dhe të luftojmë për të drejtën e saj

Vasfije Krasniqi Goodman ditë më parë e ka rrëfyer tmerrin që ia shkaktuan serbët kur gjatë luftës së fundit në Kosovë.

Ajo ka rrëfyer me lot në sy për torturat që kishte përjetuar në luftë, e që në atë kohë ishte 16 vjeçare.

Krasniqi tregon se gjatë kohës së luftës në Kosovë ishte përdhunuar nga dy serbë: njëri prej tyre polic i regjimit të Slobodan Millosheviqit dhe rasti kishte ndodhur në fshatin Babimovc të Vushtrrisë.

View this post on Instagram

Thank you @zurichfilmfestival for a great hospitality and a lot of positive energy! Falemnderit shume audinces qe erdhi ne numer kaq te madh… per te gjith ju qe nuk keni pas mundesi me pa, filmi eshte ne festival te premten dhe te dielen. 😁

A post shared by Fatmir Spahiu Bufi (@fatmirspahiu) on Oct 4, 2018 at 1:21pm PDT

Rrëfimi i viktimës ka bërë që të reagojë edhe aktori shqiptar, Fatmir Spahiu, i njohur më mirë si “Oki i Kafeneja Jonë”.

Ai ka pohuar se Vasfija është monument i gjallë dhe një heroinë e gjallë dhe se duhet t’i përkulemi, ta nderojmë dhe të luftojmë për të drejtën e saj.

“Një heroinë si Vasfija! Zonja që paska fol është monument i gjallë, të cilës duhet t’i përkulemi, ta nderojmë dhe të luftojmë për të drejtën e saj! Është trishtim fakti që ka shumë gra të cilat akoma nuk guxojnë të flasin publikisht nga frika e ndonjë gjykimi kolektiv. Fati jonë është tragjik! Ne nuk duhet të harrojmë. Po ne duhet të ecim përpara gjithashtu”, ka shkruar në rrjetet sociale Spahiu.

Lexo po ashtu Rrëfimi i Vasfije Krasniqit, dy dekada pas tmerrit të përjetuar të përdhunimit seksual në luftë: Doja vetëm të vdisja (Video)

Ndryshe, filmi “Nëntor i ftohtë” rrëmbeu çmimin e audiencës në Zurich Film Festival, ku prezent në premierë ishin regjisori Ismet Sijarina dhe producenti e aktori Fatmir Spahiu. /Telegrafi/