0Shares

Ka nisur zyrtarisht nata e parë e festivalit “Sunny Hill 2018”.

Dyert e festivalit u hapën gjatë ditës në orën 14:00, ku qytetarë të shumtë kanë pasur mundësinë të shijojnë kampingun dhe hapësirat tjera kreative.

Skena e festivalit “Sunny Hill” është gati për të gjithë artistët që do të performojnë në të (Foto: Sunny Hill/Instagram)

Në skenën e ngritur në parkun “Gërmia” ka filluar edhe prezantimi i artistëve.

Grupi Asgjë sikur Dielli janë ngjitur në skenë, duke performuar para publikut disa nga hitet e tyre.

Në vazhdim do të vijojë edhe paraqitje e artistëve të tjerë si: Sytë, MTNJ, Kachinari, Genc Salihu, Gipsy Groove, Offchestra, Dren Abazi & Zig Zag Orchestra, Oda, Jericho dhe Grace Carter.

Me përfundimin e këtyre performancave, vend do të zërë edhe artisti shqiptar shumë i suksesshëm në Amerikë, Albert Stanaj, i cili do të këndojë për herë të parë para publikut prishtinas.

Dhe e fundit, ajo që të gjithë presin – artistja e madhe Dua Lipa, do të dalë në skenë rreth orës 12 pas mesnate.

Dua Lipa dhe artisti Stanaj (Foto: Stanaj/Instagram)

Lipa do të këndojë dhe performojë para fansave hitet e saj më të fundit, ndërsa shquhet si ylli i mbrëmjes së sotme. /Telegrafi/

Të Ngjajshme
Shfaq Komentet (0)