Nga Bebe Rexha te Kim Kardashian – rastet më famëkeqe të keqfunksionimit të veshjeve në “Grammy Awards”

Çmimet Grammy janë një shans për muzikantët më të njohur në botë që të heqin çdo imazh të jashtëm dhe të zbulojnë veten e tyre të vërtetë.

Por për disa, zbulimi mund të jetë paksa shumë i drejtpërdrejtë – duke rezultuar në mosfunksionim të frikshëm të garderobës, shkruan The Sun.

Ndërsa veshjet e Grammyt janë bërë më të vogla dhe më të holla me kalimin e viteve, të pranishmit, prezantuesit dhe veçanërisht interpretuesit rrezikojnë të ekspozohen pa dashje.

Disa viktima përpiqen të mbulohen. Të tjerët thjesht qeshin me të. Dhe ka disa që as nuk e dinë se çfarë ka ndodhur.

A ju kujtohet disa nga këto keqfunksionime të famshme të veshjeve në “Grammy Awards”?

Taylor Swift 2021

Taylor Swift ishte fituesja e madhe e çmimeve “Grammy” të vitit të kaluar.

31-vjeçarja mori në shtëpi çmimin “Albumi i vitit” për albumin e saj të tretë me titull “Folklor”.

Kjo e bëri atë artisten e parë femër që fitoi çmimin në fjalë tri herë.

Por nata e saj e krijimit të historisë pothuajse u la në hije nga një arsye krejtësisht e papritur.

Taylor u shfaq në tapetin e kuq të shfaqjes me një fustan të “Oscar de la Renta” të bërë me porosi, me lule të shtypura që ishin “të ngjitura individualisht”.

Megjithatë, në një moment gjatë natës së festës, një shtresë u ça nën krahun e saj të djathtë.

Mos-funksionimi dukej qartë teksa ajo po pozonte me trofeun e saj “Grammy” në fund të natës.

Për fat të mirë për të, grisja nuk u përhap dhe u anashkalua.

Ariana Grande 2020

Ariana Grande ishte ndër më të bukurat e “Grammy Awards 2020”, e veshur me një fustan mahnitës.

Përpara se të këndonte një sërë këngësh nga albumi i saj “Thank U, Next”, Grande parakaloi në tapetin e kuq me një fustan gri të personalizuar, të punuar nga Giambattista Valli, të kompletuar me një fund prej tyli dhe doreza sateni.

Pamja mbresëlënëse e bënte të dukej atë “e madhe” njëlloj si mbiemri i saj.

Më vonë gjatë natës, tashmë 28-vjeçarja u ndërrua dhe veshi një bluzë sateni me një dekolte me rruaza për të dhënë disa intervista pas shfaqjes.

Dhe pikërisht atëherë shumë fansa pyetën veten nëse ajo ishte viktimë e një mosfunksionimi, veçanërisht me mënyrën se si veshja e saj e re dukej pak më e theksuar në zonën e thithkave të saj.

“Ose janë prerjet në fustanin e saj ose thithkat e Ariana Grandes janë shumë të theksuara”, vuri në dukje një fans në Twitter.

Një tjetër shtoi: “A kanë depërtuar thithkat e Ariana Grandes apo është qepje fatkeqe e fustanit?”.

Camila Cabello, 2019

Camila Cabello ishte gjithashtu pre e një mosfunksionimi të garderobës së saj të vitit 2019, madje ndau një fotografi të saj të nesërmen.

Këngëtarja hapi shfaqjen me një interpretim emocionues të këngës së saj hit, “Havana”.

Megjithatë, gjatë performancës së rëndë të kërcimit, tani 25-vjeçarja u rrotullua dhe arriti të kthente fundin e saj plotësisht, duke ekspozuar të të brendshmet e saj para audiencës.

Blic pamja nuk zgjati shumë, por u vu re dhe u shpërnda gjerësisht në internet.

Një ditë më vonë, Camila publikoi disa fotografi seksi nga momenti i sikletshëm dhe bëri shaka për mosfunksionimin e veshjes së saj.

“Dje, pak para se të vazhdoja, një producent më tha se isha latinja e parë që hapi shfaqjen e ‘Grammyt’, gjë që më bëri vërtet të kisha një zjarr në bark për këtë performancë”, tha ajo, duke shtuar disa emoji në zemre.

Bebe Rexha, 2018

Bebe Rexha as nuk priti që të fillonte spektakli i çmimeve para se të pësonte mosfunksionimin e garderobës.

Këngëtarja e hitit “In the Name of Love” ishte duke ecur në tapetin e kuq të spektaklit të 2018-ës, kur fustani i saj i ngushtë ra pak më poshtë se që duhej, duke i ekspozuar thithkën.

Por 32-vjeçarja tashmë e vuri re shpejt defektin dhe e rregulloi atë aq shpejt sa pothuajse askush nuk e vuri re.

Ishte një reagim më i mirë se ai që kishte vetëm një vit më vonë, kur ajo pranoi se “qau gjithë natën” pasi humbi një çmim ‘Grammy’ për të cilin ishte nominuar në vitin 2019, për megahitin e saj “Meant To Be”.

Kim Kardashian, 2015

Thjesht nuk do të ishte një listë e mosfunksionimeve të garderobës pa një Kardashan në të.

Në vitin 2015, Kim Kardashian e la burrin e saj të atëhershëm Kanye West të zgjidhte fustanin e saj.

Ylli përfundoi duke shkuar në Grammy atë vit me një fustan të argjendtë dhe të artë të punuar nga Jean Paul Gaultier.

Problemi ishte se ndërsa fustani dukej mahnitës, ai ishte gjithashtu në dukje tepër i hollë dhe i grisur lehtësisht.

Në një festë pas mbarimit të Grammyt, Kim i tha E! News: “Në thelb, më ra xhepi – i gjithë xhepi më ra”.

“Kur unë u ula, xhepi u gris dhe ne ishim duke qepur dhe rregulluar atë”.

Puna e shpejtë e ekipit të saj shmangi atë që mund të ishte një zbulim i tmerrshëm i mosfunksionimit të veshjes së saj. /Telegrafi/