Legjenda Gary Neville ka thënë se Anglia duhet të luajë me tre qendërmbrojtës për të përballuar kërcënimin e Gjermanisë në përplasjen e tyre në 1/8-tën në Euro 2020, ndërsa nga formacioni titullar ka larguar Jack Grealish dhe Mason Mount.

Pas një përfundimi dramatik në fazat e grupeve, ndeshjet e para me eliminim direkt të Kampionatit Evropian janë konfirmuar.

Shorti deshi që në raundin e ardhshëm të takohen dy rivalë historikë si Anglia dhe Gjermania, të cilët do të ndeshen në Wembley.

Orari i ndeshjeve të 1/8 në Euro 2020, katër ditë radhazi na presin super ndeshje Orari i ndeshjeve të 1/8 në Euro 2020, katër ditë radhazi na presin super ndeshje

Anglia do të luajë me Gjermaninë në shtëpinë e tyre të martën, 29 qershor dhe debati është ndezur tashmë se me cilët lojtar duhet të rreshtohen Gareth Southgate për një lojë kaq të rëndësishme.

I fundit që ka folur është legjenda angleze, Gary Neville, i cili ka bërë disa ndryshime për dallim nga formacionet e deritashme të Southgate në ndeshjet e grupit.

Neville ka dhënë pikëpamjen e tij, duke thënë se Anglia duhet të ndërrojë rreshtimin 4-3-3 që luajti në fazën e grupeve për një formacion 5-2-3, i cili mund të cilësohet edhe si 3-4-3.

Anglezi ka thënë se Kyle Walker, John Stones dhe Harry Maguire duhet të luanin si tre mbrojtës përpara portierit Jordan Pickford, ndërsa nga krahët Reece James në të djathtë dhe Luke Shaw në të majtë.

Super kompjuteri i ‘Opta Stats’ zbulon shanset e çdo kombëtareje për të fituar Euro 2020 – Franca mbetet favorite, Anglia e teta Super kompjuteri i ‘Opta Stats’ zbulon shanset e çdo kombëtareje për të fituar Euro 2020 – Franca mbetet favorite, Anglia e teta

Me periudhën e izolimit të Mount që mbaron vetëm një ditë para përplasjes me Gjermaninë, Neville do të zgjidhte një dyshe të mesfushës me Declan Rice dhe Kalvin Phillips.

Në sulm, Neville ka zgjedhur Bukayo Saka, i cili bëri përshtypje në fitoren e fundit të grupeve ndaj Republikës Çeke, së bashku me titullarët e rregullt Raheem Sterling dhe Harry Kane, ndërsa Grealish do të mbetej në bankë. /Telegrafi/