Topi është në anën e Zlatan Ibrahimovicit, pasi Milani raportoi se i ka ofruar një marrëveshje gjashtë mujore me një mundësi për të zgjatur kontratën për një vit shtesë, me vlerë totale gjashtë milionë euro.

38-vjeçari është vendosur të largohet nga klubi i MLS-së, LA Galaxy, në dhjetor dhe një rikthim te Milani duket shumë i mundshëm, pas raporteve për kontaktin e vendosur midis lojtarit dhe përfaqësuesve të klubit.

Tani thuhet se i takon ish-reprezentuesit të Suedisë të bëjë zgjedhjen e tij pasi Milani ka bërë ofertën tashmë.

Milani nis bisedimet për rikthimin e Ibrahimovicit Milani nis bisedimet për rikthimin e Ibrahimovicit

Sipas mediumit italian Gazzetta dello Sport, Rossonerët i kanë ofruar yllit suedez gjashtë milionë euro nëse ai qëndron për 18 muaj.

Ibrahimovic gjatë kohës sa ishte lojtar i Milanit (Foto: Claudio Villa/Getty Images/Guliver)

Më parë u sugjerua që Ibrahimovici do të dëshironte një milion euro në muaj, por Milan duket i përgatitur për t’i ofruar atij një të tretën e kësaj shifre.

Marrëveshja fillestare e ofruar nga drejtori sportiv Zvonomir Boban për agjentin e lojtarit Mino Raiola thuhet se është një kontratë gjashtë mujore.

Milani shihet si favorit, por Bologna nuk heq dorë nga Ibrahimovic Milani shihet si favorit, por Bologna nuk heq dorë nga Ibrahimovic

Përmes telefonit, Zlatani i ka thënë Bobanit se do të vendosë për të ardhmen e tij brenda disa javësh.

Milani rikthehet në aksionin e Serie A këtë fundjavë ndaj Napolit dhe duhet të përgjigjet pas një fillimi të ngadaltë të sezonit, i cili i la ata të 14-tët në Ligë pas 12 ndeshjeve. /Telegrafi/