Lionel Messi e ka telefonuar Neymarin menjëherë pasi është zbuluar interesi i madh i Real Madridit për brazilianin.

Pesë herë fituesi i Topit të Artë e ka të pamundur të pranojë që një ish-yll i Barçës me të cilin ka ndarë momente të shumta të jetë në krahun tjetër në El Classico.

E përditshmja madrilene “Marca” ka zbuluar lajmin se ka pasur një telefonatë mes numrit 10 të katalanasve dhe brazilianit të PSG-së.

Messi e Neymar Jr. (Photo by David Ramos/Getty Images)

Messi ka qenë i qartë në fjalët e tij: “Do vish tek ne, nuk ke punë tek Real Madridi”.

Fjalë të drejtëpdrejta që e ftojnë Neymarin të kthehet në Barcelonë.

Barcelona ofron 80 milionë euro plus Coutinhon për Neymarin Barcelona ofron 80 milionë euro plus Coutinhon për Neymarin

Neymar ishte larguar në vitin 2017, për të kaluar te PSG, duke kërkuar që të bëhej lider i një skuadre dhe të luftonte për trofe individual.

Neymar sa ishte te Barcelona . (Photo by Denis Doyle/Getty Images)

Sipas medieve të huaja dëshira e 27-vjeçarit është të rikthehet te Barcelona, më e madhe se sa kalimi te 13 herë kampionët e Evropës.

Për të kënaqur edhe vetë futbollistin po flitet në orët e fundit që PSG është duke diskutuar me Barcelonën për ta mbyllur marrëveshjen. /Telegrafi/