Mediet e afërta me pushtetin në Serbi – Informer, Alo dhe Espreso vlerësohen me çmimin ‘Pinocchio’ për dezinformim dhe lajme të rreme

Portali FakeNews e cila merret me verifikimin lajmeve në Serbi ka ndarë çmimin “Pinocchio” për mediet në Serbi, të cilat sipas të dhënave kanë përhapur më shpesh lajme të rreme dhe manipuluese, të cilat kontrollohen nga Aleksandar Vuçiq dhe Qeveria e Serbisë.

Sipas një hulumtimi, e cila hetoi 139 përmbajtje të rreme dhe manipuluese dhe kreu gjashtë hetime më komplekse. Nga numri i përgjithshëm i përmbajtjeve të zbuluara, 18.7 për qind mund të gjendeshin në edicionin e printuar ose në internet të Alo, media e cila fitoi për herë të tretë “Pinocchio” e artë.

Në vend të dytë ishte media Informer, e cila krijoi ose transmetoi 18 për qind të përmbajtjes nga korpusi i dezinformatave të vërtetuara dhe në vend të tretë ishte Espreso, me një përqindje prej 15.1 për qind. Gjithashtu hulumtimi ka zbuluar se shumica e përmbajtjeve false dhe manipuluese nuk qëndronin në një medium, por u publikuan në disa vende në të njëjtën kohë.

Hulumtimi vë në pah se përqindja e zbulimit të përmbajtjeve manipuluese dhe false në mediet kryesore serbe këtë vit është më e ulët se në vitet e kaluara, para së gjithash për faktin se shumica e dezinformatave gjatë vitit 2021 janë zbuluar në rrjetet sociale. Kjo vërehet veçanërisht në temën e vaksinimit, ku tabloidët, ndryshe nga mënyra e tyre e njohur, shmangën t’u jepnin hapësirë informacioneve të pabaza dhe të rreme për vaksinat.

Në periudhën nga janari deri në tetor 2021, portalet Raskrinkavanje.ba, FakeNews.rs dhe Raskrikavanje.rs publikuan gjithsej 218 analiza në të cilat u dekonstruktuan tregime false dhe manipuluese për vaksinat dhe vaksinimin në hapësirën ku flitet gjuha serbe, që do të thoshte se mesatarisht çdo javë janë publikuar të paktën pesë tregime të ndryshme të rreme.

Dezinformatat kundër vaksinave shfaqeshin më shpesh në Facebook apo 46 për qind e numrit të përgjithshëm të përmbajtjeve të pavërteta dhe vetëm përmbajtjet nga YouTube me 8 për qind, Twitter me 5 për qind dhe më pas nga portali Logicno me 4 për qind kishin një përqindje të më shumë se 1 për qind, Srbin Info me 3 për qind, Vaseljenska me 2 për qind, Alo me 2 për qind dhe Dokumentarac me 2 për qind.

Redaksia e FakeNews ka njoftuar se në ditët në vijim do t’u dërgojë fituesve të çmimeve pllaka dhe statuja të Pinokut të artë, të argjendtë dhe të bronztë, duke vënë në dukje se në përrallën e Pinokios, një kukull prej druri e prirur për të gënjyer ka mundësinë të përmirësuar.

Më 17 gusht, Twitter i ka shenjëzuar mediet e caktuara që bashkëpunojnë me Qeverinë e Serbisë. Etiketa qëndron në llogaritë zyrtare të atyre medieve.

Mediat e lidhura me shtetin janë të definuara si “media, në të cilat shteti ushtron kontrollin mbi përmbajtjen redaktuese përmes mjeteve financiare, presioneve të drejtpërdrejta ose jo të drejtpërdrejta politike dhe/ose kontrollin mbi prodhimin dhe shpërndarjen (e përmbajtjes)”.

Etiketimi i mediave të lidhura me shtetin, në praktikë, ka për pasojë që Twitter, siç thuhet, nuk do t’ua rekomandojë llogaritë e tyre njerëzve dhe as nuk do të “rrisë” shtrirjen e postimeve të tyre. /Telegrafi/