Kylian Mbappe është dëshira e madhe e Barcelonë për repartin ofensivë.
Krerët e klubit katlaunas janë duke shqyrtuar mundësinë e transferimit të francezit në Camp Nou.
Lajmi është bërë i ditur nga e përditshmja spanjolle ‘Don Balon’.
Gjithnjë sipas kësaj media spanjolle, Blaugranët janë të gatshëm ta përfshijnë në marrëveshje edhe mesfushorin brazilian Philippe Coutinho.
Kylian Mbappe. (Foto: Francesco Pecoraro/Getty Images/Guliver)
Për ta bërë të vetin Mbappen, Barcelona ka gati 150 milionë euro si dhe Philippe Coutinhon.
Mesfushori brazilian edhe më parë ka qenë dëshirë e PSG-së, sa ishte pjesë e Liverpoolit por në fund garën për të e fitoi Barcelona.
Lideri aktual i La Ligës, synon që të tentojë transferimin e Mbappes vetëm në verën e vitit 2019.
Gjithsesi ky transferim do të jetë tejet i vështirë për Barcelonën, pasi PSG e vlerëson shumë yllin e tyre. /Telegrafi/
