Liverpooli ka vazhduar me fitore, duke realizuar të katërtën në katër ndeshjet e para këtë sezon si mysafir i Leicesterit me rezultat 2-1.
Liverpooli bëri presion të madh qysh në minutat e para dhe gjeti rrugën e golit pas 10 minutash lojë.
https://twitter.com/MrNickMason/status/1035855978074386433
Sadio Mane ishte ai që shënoi gol pas një topi të Robertsonit në zonë.
Foto: Getty Images
Leicesteri pati periudhë të mirë dhe tentoi të gjente golin, por Firmino ishte ai që qetësoi stadiumin duke shënuar për 2-0 me kokë pas një korneri në minutën e fudnit të pjesës së parë (45').
https://twitter.com/_RoarOfTheKop_/status/1035869406067339267
Pjesën e dytë Leicesteri dominoi duke tentuar të gjente golin e shpresës dhe për këtë ndihmoi portieri mysafir Alisson.
Pas një gabimi të Alisson i cili tentoi të driblonte kundërshtarin, ishte Madisson ai që rrëmbeu topin dhe pasoi te Ghezzal që realizoi nga afërsia për 2-1 (63').
Shaqiri u inkuadrua në minutën e 70-të në lojë dhe nuk pati ndonjë rast që vlen të përmendet. Ai zëvëndësoi Mohamed Salahun.
Me këtë fitore Liverpooli vazhdon bilancin e përkryer me katër fitore nga katër ndeshjet e para dhe 12 pikë në krye të tabelës së Ligës Premier. /Telegrafi/
