Liverpooli ka gati marrëveshjen për transferimin e yllit të Serie A si zëvendësues i Alexander-Arnold

Liverpooli raportohet se ka gati një marrëveshje për transferimin e lojtarit i cili pritet ta zëvendësojë Trent Alexander-Arnold.

Arne Slot ka bërë vetëm një blerje gjatë afatit kalimtar veror, me Federico Chiesan që iu bashkua atyre nga Juventusi për 10 milionë euro.

‘Të Kuqtë’ ishin të etur për të transferuar Martin Zubimendin nga Real Sociedadi pas paraqitjeve të tij të jashtëzakonshëm në Euro 2024 me Spanjën, por mesfushori nuk dëshiroi që të ndryshojë ambient.

Sidoqoftë, Liverpooli tashmë ka nisur përgatitjet për sezonin e ardhshëm ku sipas raportimeve tashmë kanë një marrëveshje pothuajse të përfunduar.

Pasiguria rreth situatës së Alexander-Arnold kontrata e të cilit skadon në fund të sezonit dhe lajmet që e lidhin atë me një kalim tek Real Madridi, kanë detyruar drejtuesit të mendojnë për alternativa të tjera.

Sipas mediumit spanjoll Todo Fichajes, klubi anglez ka shprehur interesim për transferimin e reprezentuesit holandez Denzel Dumfries nga Interi.

Dumfries ka gjasa që të mbetet lojtar i lirë në fund të sezonit pasi ai nuk po arrin një marrëveshje me ‘Nerazzurrët’ për rinovimin e kontratës.

Në fakt, Interi thuhet se ka frikë që 29-vjeçari nuk ka për synim zgjatjen e kontratës dhe mendojnë se ka tashmë një marrëveshje me një palë të tretë në këtë rast besojnë se me Liverpoolin./Telegrafi/