Lionel Messi refuzon ta nënshkruajë fanellën e një tifozeje të klubit Rosario Central – Prapa këtij gjesti qëndron klubi i fëmijërisë Newell’s Old Boys

Lionel Messin është përfshirë në një incident me një tifoze dhe kjo është bërë virale në faqet e internetit, ku shihej ylli i Barcelonës duke refuzuar të nënshkruajë fanellën e tifozes. 

Siç shihet në video, tifozja dëshironte që Messi të nënshkruante një fanellë të Rosario Central.

Sigurisht, pesë herë fituesi i ‘Topit të Artë’, është mbështetës i përjetshëm i Neëell’s Old Boys, dhe rivalët e përjetshëm janë  Rosario.

Ndeshja me Newell’s dhe Rosario, konsiderohet si njëri nga derbit më të rëndësishëm argjentinas jashtë Buenos Airesit.

Në thelb, kërkesa ndaj Lionel Messit është e njëjtë sikur t’i kërkohej ta nënshkruante një fanellë të Real Madridit.

Besohet se tifoja e quajti Messin: “pecho frío”, që sipas gazetarit Juan Arango, në përkthim i bie “pa pasion”.

Esto pasa cuando sos resentida e irrespetuosa… igual parece que no la escucha pic.twitter.com/XwQJhzK47J

— Juanpi Samuel (@juanpisamuel) August 28, 2018

Por nuk mund ta quash pa pasion, njeriun që e luan këtë lojë me pasionin më të madh.

Messi është rritur duke luajtur për Newell’s Old Boys, ku kaloi gjashtë vite, para se të bashkohej me Barcelonën në vitin 2001.

Lionel Messi's registration card for Newell's Old Boys, 1994. pic.twitter.com/dx3rrEcQQ7

— 90s Football (@90sfootball) July 20, 2018

Në të kaluarën, nënkryetari i klubit Cristian D’Amico, kishte thënë se një dite Messi do ta vesh përsëri fanellën e klubit argjentinas.

“Unë jam i bindur, si shumë kolegë të mi, që ne mund ta bëjmë historinë si klub nëse arrijmë ta marrim lojtarin më të mirë në botë që ta vesh fanellën e Newellit. Mendoj se do të kemi kënaqësinë që Messin një ditë ta veshë këtë fanellën”, kishte thënë ai.

Messi ka thënë në intervistat e kaluara se klubi i vetëm që do të linte Barcelonën është Newell. /Telegrafi/