LAJMI I FUNDIT:

Kurti: Tani po e vërejmë sa ka vuajtur Kosova për një qeverisje që nuk e keqpërdor paranë publike

Kurti: Tani po e vërejmë sa ka vuajtur Kosova për një qeverisje që nuk e keqpërdor paranë publike

Kryeministri i Kosovës, Albin Kurti derisa po shqyrtohet Projektbuxheti për vitin 2022, tha se tani po e vërehet se sa ka vuajtur vendi për një qeveri që nuk keqpërdor dhe nuk abuzon me paranë publike.

Kurti konsideron se ekonomia e vendit asnjëherë nuk ka parë rritje me të lartë se në vitin 2021, të cilën deri në fund beson se do ta mbyllin me 10 për qind.


“Ekonomia e vendit asnjëherë nuk ka parë rritje ekonomike më të lartë sesa në vitin 2021. Do ta mbyllim këtë vit me një rritje ekonomike rreth 10 për qind dhe me një rritje të të hyrave prej 33 për qind. Të dyja këto si rezultat i një qeverisjeje të mirë dhe besimit të qytetarëve në institucionet e vendit, e veçanërisht për Qeverinë”, tha Kurti.

Shqyrtimi i parë i Projektbuxhetit, Murati: Ekonomia është rimëkëmbur nga pandemia, buxheti 2022 do të jetë 8.7 për qind më i lartë
Lexo po ashtu Shqyrtimi i parë i Projektbuxhetit, Murati: Ekonomia është rimëkëmbur nga pandemia, buxheti 2022 do të jetë 8.7 për qind më i lartë

Ai ka thënë se për Ushtrinë janë ndarë 100 milionë euro, apo 1.3 për qind e Prodhimit të Brendshëm Bruto.

“Ushtrinë e kemi projektin tonë madhor, andaj për herë të parë kemi ndarë buxhet prej mbi 100 milionë eurosh, apo 1.3 për qind e Prodhimit të Brendshëm Bruto dhe synimi ynë është që brenda mandatit ta sjellim në 2 për qind të PBB-së, aq sa e kërkon standardi i NATO-s. Përveç ndarjeve buxhetore, të cilat kanë për fokus forcimin e sigurisë së vendit, avancimin e arsimit e përmirësimin e sistemit të shëndetësisë, projektligji për vitin 2022 ka edhe disa risi sa i përket menaxhimit të mirë të financave publike dhe ruajtjes së stabilitetit makrofiskal, për të cilat Ministri i Financave, Punës dhe Transfereve ju informon detajisht përgjatë kësaj seance të sotme plenare”, tha ai.

Diskutimi për Projektbuxhetin, Hoti: Nuk ka asnjë rritje fantastike ekonomike
Lexo po ashtu Diskutimi për Projektbuxhetin, Hoti: Nuk ka asnjë rritje fantastike ekonomike

Në fund, shefi i Qeverisë tha se tani po vërehet se sa ka vuajtur vendi për një qeveri që nuk keqpërdor dhe nuk abuzon me paranë publike.

“Tek tani po e vërejmë se sa ka vuajtur shteti ynë për një qeverisje, që nuk keqpërdorë dhe nuk abuzon me paranë publike. Për një qeverisje, që synim parësor ka zhvillimin e qëndrueshëm ekonomik të vendit, e si rezultat ngritjen e mirëqenies qytetare. Puna e mirë ka filluar dhe do të vazhdojë deri në fund të mandatit. Pra, pardje i kemi mbushur tetë muaj dhe kemi sjellë vendime për gjithsej 90 projektligje dhe padyshim që optimizmi dhe shpresa që kemi ne në krye të institucioneve dhe atë që e kanë qytetarët, i kontribuon edhe aspektit socio-ekonomik të vendit tonë”, ka përfunduar Kurti. /Telegrafi/

Në trend Ekonomi

Më shumë
Shije italiane në zemër të Prishtinës - Vapiano hapet së shpejti

Shije italiane në zemër të Prishtinës - Vapiano hapet së shpejti

Foleja
Gjithë ke lakmu me pas banesë n'deti?

Gjithë ke lakmu me pas banesë n'deti? "Holiday In 2" është vendi ideal

Edil Project
Nxitoni, vetëm edhe 4 vende të lira në kursin intensiv për kamerë “From Zero to Hero”

Nxitoni, vetëm edhe 4 vende të lira në kursin intensiv për kamerë “From Zero to Hero”

Pixels
Brendi holandez Keune mirëpret sot stilistët e flokëve në seminar - EBC

Brendi holandez Keune mirëpret sot stilistët e flokëve në seminar - EBC

EBC Cosmetics
Përfaqësuesit e BQK-së takojnë zëvendësndihmës sekretarin amerikan të Thesarit, diskutohet thellimi i bashkëpunimit dhe fushat me interes

Përfaqësuesit e BQK-së takojnë zëvendësndihmës sekretarin amerikan të Thesarit, diskutohet thellimi i bashkëpunimit dhe fushat me interes

Ekonomi
Kush përfiton nga ulja e çmimit të energjisë elektrike?

Kush përfiton nga ulja e çmimit të energjisë elektrike?

Ekonomi
Kalo në kategori