Këto janë 10 rinovimet e mëdha të kontratave që po presin në tryezë për yjet e La Ligas

Janë disa lojtarë që ua futin frikën drejtorëve në klubet e tyre përkatëse, kur vjen puna për të nënshkruar një kontratë të re.

Lionel Messi është emri më i madh i përfshirë në këtë top 10-të Marca-s, duke hedhur pasiguri në vazhdimin e kontratës aktuale.

Por ka edhe shumë lojtarë të tjerë, e ardhmja e të cilëve është gjithashtu ende e paditur.

---

Lionel Messi

Kontrata e argjentinasit me Barcelonën përfundon në vitin 2021 dhe ai e ka mundësinë që t;i ndërpresë lidhjet me Blaugranat sa herë që dëshiron në fund të sezonit. Ideja e Barcelonës është t’i japë atij një marrëveshje të re deri në pension.

Klauzola e lirimit: 700 milionë euro

---

Thomas Partey

Atletico Madrid është e kënaqur me kontratën e tij deri në vitin 2023 me lojtarin, por ai ka një klauzolë të ulët lirimi prej 50 milionë eurosh. Forma e Thomas këtë sezon është pothuajse e sigurt që të tërheq blerës për atë çmim.

Klauzola: 50 milionë euro

---

Casemiro

Marrëveshja e mesfushorit të Real Madridit me klubin zgjat deri në qershor 2021 dhe do të kishte kuptim që të fillonin bisedimet për një rinovim shumë përpara kësaj date. Shumë klube të mëdha po qarkullojnë rreth tij, por klauzola e tij e lirimit prej 200 milionë eurosh sigurisht që do të rritet.

Klauzola: 200 milionë euro

---

Ever Banega

Rinovimi i argjentinasit ka qenë një çështje në zyrat e Sevillës për muaj të tërë. Marrëveshja aktuale e 31-vjeçarit përfundon në 30 qershor 2020 dhe klauzola e lirimit të tij është vetëm 20 milionë euro. Ka pasur një numër përpjekjesh për të nënshkruar një zgjatje kontrate.

Klauzola: 20 milionë euro

---

Santi Cazorla

Spanjolli po shijon një rilindje me të ardhur në Villarreal, por kontrata e tij me klubin përfundon në fund të këtij sezoni. Bisedimet për një rinovim janë dukur ngecur edhe pse dukej sikur gjithçka ishte nënshkruar në verë.

Klauzola: falas

---

Joaquin

Mesfushori veteran i Real Betis gjithashtu mbetet pa kontratë në përfundim të këtij edicioni. 38-vjeçari po kërkon ta zgjidh së shpejti të ardhmen e tij dhe dëshiron të vazhdojë me klubin e tij të dashur.

Klauzola: falas

---

Samuel Chukwueze

Yll i ri i Villarrealit ka një kontratë me klubin deri në vitin 2023, por, për shkak të paraqitjeve të tij mbresëlënëse muajve të fundit, klauzola e tij e lirimit prej 65 milionë eurove duket një objektiv i lehtë.

Klauzola: 65 milionë euro

---

Marc-Andre ter Stegen

Për shkak të paraqitjeve të portierit, Barcelona po planifikon t’i ofrojë atij një marrëveshje të re që do ta zgjasë qëndrimin e tij në Camp Nou edhe pas kontratës aktuale që skadon në 2022.

Klauzola: 180 milionë euro

---

Ezequiel Garay

Marrëveshja e 33-vjeçarit me Valencian skadon në qershor dhe nuk ka asnjë qëllim nga ana e klubit që të zgjasë qëndrimin e tij në Mestalla.

Klauzola: 100 milionë euro

---

Unai Nunez

Qendërmbrojtësi i Atletic Bilbaos ka një kontratë në klubin bask deri në vitin 2023, por klauzola e lirimit e tij prej vetëm 30 milionë eurosh është një mundësi e mirë për një lojtar të cilësisë dhe potencialit të tij.

Athletic do të dëshirojë ta lidhë 22-vjeçarin sa më shpejt që të jetë e mundur me një kontratë të re duke ia rritur klauzolën.

Klauzola: 30 milionë euro

---

/Telegrafi/