Keira Knightley ka thënë se e ka ndaluar vajzën e saj trevjeçare që t’i shikojë disa filma të Disneyt, për shkak të portretizimit të femrës në një mënyrë me të cilën ajo nuk pajtohet.

Filmat e animuar “Cinderella” dhe “Little Mermaid” i janë ndaluar vajzës së aktores, Edie Knightley Righton.

Gjatë pjesëmarrjes në emisionin e Ellen DeGeneres, aktorja ka thënë se në filmin nga vitet e pesëdhjeta, Hirushja “pret një mashkull të pasur që ta shpëtojë”.

Lajmet për Keira Knightley Lajmet për Keira Knightley

Sipas saj, ky film jep mesazhin se femra nuk mund ta shpëtojë veten, transmeton BBC.

Nga ana tjetër, sa i përket ‘Sirenës së vogël’, Keira ka thënë: “Mendoj se këngët janë të shkëlqyera, por nuk duhet të heqësh dorë nga zëri yt për një mashkull”.

“Kjo në fakt më shqetëson më shumë, sepse vërtet më pëlqen shumë filmi. Më pëlqen ‘Little Mermaid’!”, ka shtuar aktorja.

Knightley, e cila ka luajtur në filmat e Disneyt, ‘Pirates of the Caribbean”, ka thënë se të gjithë filmat e këtij produksioni janë të ndaluar në shtëpinë e saj.

“Finding Dory”, “Frozen” e “Moana” i janë lejuar vajzës së aktores 33-vjeçare. /Telegrafi/