Katër opsionet për të ardhmen e Ruganit

Juventusi ia ka ofruar Daniele Ruganit katër opsione për të zgjedhur se ku dëshiron ta vazhdojë karrierën e tij.

Sipas ekspertit të transferimeve te Sportitalia, Alfredo Pedulla, qendërmbrojtësi nuk bën pjesë në planet e Massimiliano Allegrit, ashtu që duhet të largohet.

28-vjeçari ka kontratë me Bianconerët deri në qershor 2024, prandaj mund të lejohet të largohet në formë huazimi.

(Foto: Instagram/daniruga)

Empoli dhe Hellas Verona janë dy klubet italiane që kanë shprehur interesim për mbrojtësin dhe gjasat janë më të mëdha që të mbetet në Serie A.

La #Juve ha chiesto una decisione a #Rugani. Quattro strade: a) #Empoli, prestito; b) #Verona, prestito, che insiste; c) #Galatasaray che potrebbe pagare il cartellino; d) restare con un contratto in scadenza nel 2024. C’è qualche giorno per decidere

— Alfredo Pedullà (@AlfredoPedulla) August 1, 2022

Ndërkaq, ekziston një klub që do të mund të paguante 10 milionë euro për ta blerë kartonin e tij. Është fjala për Galatasarayn, mirëpo lojtarit nuk i pëlqen ideja që të shkojë në Turqi.

Reklama

Opsioni i katërt për Ruganin është qëndrimi te Juventusi, mirëpo ai është i vetëdijshëm se do të luante shumë pak te Zonja e Vjetër. /Telegrafi/