LAJMI I FUNDIT:

Katër lojtarët që Interi po planifikon t’i shesë për të financuar transferimin e Ederson

Katër lojtarët që Interi po planifikon t’i shesë për të financuar transferimin e Ederson

Interi synon të shesë Calhanoglu brenda dy javësh, por mund të sakrifikojë edhe Frattesin, Espositon dhe Stankovic për të siguruar Edersonin nga Atalanta. 

Sipas La Gazzetta dello Sport, mesfushori i Atalantas, Ederson, është bërë objektivi kryesor i Interit për të zëvendësuar Hakan Calhanoglu. 

Gazeta italiane konfirmon se Inter ka vendosur një çmim të lartë për yllin turk, rreth 30 milionë euro, por dëshiron ta shesë atë brenda dy javëve të ardhshme, përpara se të nisë zyrtarisht faza përgatitore e sezonit të ri. 


Një tjetër emër që mund të largohet nga ‘San Siro’ është Davide Frattesi, për të cilin është raportuar një interes konkret nga Atletico Madrid.  

Inter e vlerëson kartonin e tij me rreth 40 milionë euro. Megjithatë, Gazzetta thekson se klubi ende nuk ka marrë një vendim përfundimtar për të ardhmen e Frattesit, i cili vlerësohet për fleksibilitetin e tij në mesin e fushës dhe përshtatjen me sistemin e trajnerit të ri, Cristian Chivu. 

Ndërkohë, Inter shpreson të përfitojë 7 milionë euro nga shitja e Sebastiano Espositos, i cili është në radarin e Fiorentinës. Kontrata e sulmuesit të ri skadon në vitin 2026. 

Po ashtu, Aleksandar Stankovic, i cili sezonin e fundit luajti në huazim te Luzerni, është identifikuar nga Club Brugge si pasuesi i Ardon Jasharit, dhe Inter është i hapur për shitjen e 19-vjeçarit./Telegrafi/