0Shares

Ish-portieri i Interit, Julio Cesar, e ka përshkruar Ramiresin si një “kafshë” në kuptimin e mirë të fjalës.

Nerazzurrët janë pranë transferimet të futbollistit brazilian, i cili aktualisht luan te klubi simotër i zikaltërve, Jiangsu Suning, në Superligën kineze.

(Foto: Twitter/Ramires)

Cesar, i cili ka luajtur me ish-lojtarin e Chelseat te Brazili, beson se 30-vjeçari do të dëshmohet si shtesë e velfshme e skuadrës së Luciano Spallettit.

Ramires: Do të isha i lumtur t'i bashkohesha Interit Ramires: Do të isha i lumtur t'i bashkohesha Interit

“Ai është një kafshë, në kuptimin e mirë të fjalës. Ka një kohë që nuk e kam parë duke luajtur, mirëpo mesfushori që unë e kujtoj, ka qenë gjithmonë i gatshëm për lojë dhe keni mundur të shihni kudo, sepse ai nuk lodhet kurrë”.

(Foto: Twitter/Ramires)

“Në ekipin tonë kombëtar, ai ka qenë gjithmonë lojtari që ka vrapuar më së shumti, së paku 11 ose 12 kilometra për ndeshje”, ka thënë Cesar, i cili aktualisht është pa skuadër.

Portieri është pyetur nëse beson se Ramires është larguar shumë herët drejt një kampionati, siç është Kina.

(Foto: Twitter/Ramires)

“Ndoshta po… Por, nëse vjen tash në Evropë, kjo dëshmon se ai ka diçka më shumë për të dhënë – diçka që mund t’i ndihmojë Interit”, ka thënë Cesar, i cili e ka bartur fanellën zikaltër për shtatë sezone.

Ai ka shtuar se Interi duhet të mendojë fillimisht për kualifikimin në Ligën e Kampionëve dhe pastaj për Scudetto. /Telegrafi/

(Foto: Getty Images)

Të Ngjajshme
Shfaq Komentet (0)