Ish-presidenti i Interit, Massimo Moratti pranon se do të kishte bërë gjithçka për ta sjellë Lionel Messin në Giuseppe Meazza, por pranon se kohët kanë ndryshuar.

Moratti ishte përpjekur të nënshkruante me Messin kur ai ishte ende një lojtar shumë i ri, por dashuria ndaj Barcelonës e bëri atë të qëndrojë.

Ideja ishte që të qëndronte për gjithë jetën, por ai plan u prish nga njoftimi se problemet financiare të Barcelonës janë aq të mëdha saqë ata nuk mund të përballojnë të regjistrojnë kontratën e Messit, edhe me një ulje të pagës prej 50 për qind.

PSG ka besim se do të gjejë rrugën e duhur për nënshkrimin e Messit PSG ka besim se do të gjejë rrugën e duhur për nënshkrimin e Messit

“Në ditët e mia, nëse do të kishte lindur mundësia për të marrë Messin, do të kisha bërë gjithçka për ta sjellë atë në Inter”, ka thënë fillimisht Moratti për Radio Kiss Kiss.

Reklama
Reklama

“Sidoqoftë, kohët kanë ndryshuar”.

Tani klubet e vetme që mund të përballojnë pagën e tij, edhe si lojtar i lirë, janë Paris Saint-Germain, Manchester City dhe Chelsea.

Është raportuar gjerësisht se PSG është në bisedime të avancuara me argjentinasin, duke propozuar një paketë të madhe pagash dhe ribashkimin me ish-shokun e tij të Barcelonës, Neymar.

Chelsea heq dorë nga Lukaku, kthen vëmendjen kah Messi? Chelsea heq dorë nga Lukaku, kthen vëmendjen kah Messi?

Në fakt, Interi është në prag të shitjes së Romelu Lukakut te Chelsea për rreth 130 milionë euro, duke zemëruar mbështetësit Nerazzurr vetëm disa javë pasi fituan titullin në Serie A.

“Shpresoj që ekipi të mbetet konkurrues gjithsesi. Unë nuk e di situatën ekonomike të Interit, kështu që nuk mund të komentoj, por gjërat ishin tashmë të këqija në futboll para se COVID të përkeqësonte gjithçka”.

Reklama
Reklama

“I gjithë sistemi i futbollit duhet të rishikohet”, përfundoi ish-presidenti i Interit. /Telegrafi/