Irina Shayk pozon e ulur në prehrin i ish-partnerit Bradley Cooper teksa duket joshëse në kostumin nga festa e Halloweenit

Ylli i pasarelave, Irina Shayk festoi Halloween me ish-in e saj Bradley Cooper.

Modelja, 36 vjeçe, postoi të premten (4 nëntor) një foto të këndshme kur shihet e ulur në prehrin e 47-vjeçarit teksa ai kishte veshur një kostum ariu për këtë festë.

Irina hodhi një vështrim joshës drejt kamerës teksa kishte një pamje të lezetshme të Bettie Page.

Modelja ruse pozoi me doreza të gjata të zeza, një bluzë korseje joshëse dhe geta të tejdukshme.

Ajo shfaqi këmbët e saj të gjata, ndërsa Bradley vendosi njërën dorë rreth belit të saj.

Në një foto, ajo u ul në dysheme ndërsa kafshonte një karamele. Teksa në një tjetër, ajo shkëlqeu me një buzëqeshje ndërsa u përkul poshtë në dysheme pranë dekoreve të tjerë të Halloweenit.

Postimi erdhi disa ditë pasi ish-çifti u panë duke bërë blerje me vajzën e tyre Lea, pesë vjeçe.

Dyshja, të cilët kishin lidhje midis 2015 dhe 2019, kanë ndezur thashetheme për romancë për muaj të tërë që kur ajo ndau fotot e pushimeve në Bahamas së bashku gjatë verës.

U raportua në gusht se aktori i “Nightmare Alley” dhe vajza e kopertinës së “Vogue” po mendojnë perspektivën për të pasur më shumë fëmijë së bashku.

Edhe pse ata u ndanë në vitin 2019, ata kanë mbetur bashkë-prindër për të bijën që atëherë.

Një burim pohoi se Irina ‘do të donte që vajza e saj të kishte një vëlla ose motër’ dhe se Bradley është i përshtatshëm për këtë ide.

Ajo dhe Bradley u lidhën fillimisht në vitin 2015 përpara se të dilnin publikisht si çift në vitin 2016, duke mirëpritur vajzën në 2017 por u ndan në vitin  2019.

Bradley u përfol se ishte në lidhje me Huma Abedin, por kjo gjë u mohua duke thënë se ata kishin qenë në të njëjtin ambient rastësisht.

Ndërkohë historia e takimeve të Irina përfshin Cristiano Ronaldon dhe vitin e kaluar ajo u lidh për pak kohë me Kanye West pas ndarjes së tij nga Kim Kardashian. /Telegrafi/