Sipas raportimeve në Itali, Suning dëshiron të mbajë shumicën e aksioneve në Inter dhe një hua prej 213 milionë euro nga Goldman Sachs.

Të martën, Suning siguroi që ata do të vazhdojnë të garantojnë mbështetjen financiare që klubit nuk i ka munguar kurrë, dhe sipas Il Corriere della Sera, familja Zhang nuk është e etur të shesë shumicën e aksioneve në klub.

Partnerët BC kishin bërë një ofertë 596 milionë euro për të marrë përsipër klubin, por Suning refuzoi propozimin pasi ata e vlerësuan klubin në 851.9 milionë.

Interi zbulon logon e re Interi zbulon logon e re

Megjithatë, Lion Rock kishte kërkuar vetëm 31.05% të aksioneve, mirëpo grupi kinez nuk ishte i kënaqur.

Il Corriere dello Sport raporton se Suning do ta mbajë Interin deri në fund të sezonit falë kredisë prej Goldman Sachs prej 213 milionë euro, por familja Zhang duhet të zgjidhë problemin afatgjatë.

Shitja e Interit: Interesim i madh nga Fondi i Investimeve Publike të Arabisë Saudite - zbulohet oferta e re Shitja e Interit: Interesim i madh nga Fondi i Investimeve Publike të Arabisë Saudite - zbulohet oferta e re

Sipas La Gazzetta dello Sport dhe Il Corriere della Sera, Suning është në bisedime me kompani amerikane që mund të blejnë aksionet e Lion Rock me një ofertë 213 milionë. Por, kjo nuk është opsioni i vetëm.

Duke vepruar kështu, familja Zhang mund të marrë kontrollin 100 për qind të klubit dhe të ulet me blerësit e mundshëm, duke mbajtur kështu fitimet nëse do të shesin klubin. /Telegrafi/