Sot është vërë gur themeli i stadiumit të qytetit të Gjakovës.

Kryetari i komunës, Ardian Gjini për “Duelin Ditor” në RTV Dukagjini ka thënë se ky është një lajm i jashtëzakonshëm për Gjakovën dhe Kosovën.

“Do të jetë një aset i jashtëzakonshëm për Kosovën…Do të jetë tempull i jetës kulturore të Kosovës dhe Gjakovës”.

Gjini thotë se vlera përfundimtare e projektit do të jetë rreth 9 milionë euro.

Ai ka thënë se stadiumi do të ketë rreth 10 mijë ulëse.

Kryetari i Gjakovës thotë se stadiumi do të jetë i kategorisë se katërt që lejon mundësinë e zhvillimit të ndeshjeve ndërkombëtare.

“Stadiumi do t’i plotësojë të gjitha kushtet për zhvillimin e ndeshjeve ndërkombëtare dhe ato pos dy klubeve nga Gjakova do të mund t’i zhvillojë ndeshjet pse jo edhe Kosova dhe klubet tjera”.

Gjini thotë se për rreth dy vite do të përfundojë konstrukti i stadiumit ku und të zhvillohet futboll e mendon se deri në vitin 2023 do të jetë gjithçka gati./Telegrafi/