Gerrard konfirmon se mori një ofertë emocionuese pas shkarkimit nga Aston Villa, por e refuzoi

Legjenda e Liverpoolit, Steven Gerrard ka zbuluar se atij i ishte ofruar një “mundësi emocionuese” pasi u shkarkua nga Aston Villa tetorin e kaluar.

Gerrard u bë trajner në Liverpool pasi i dha fund karrierës së tij së madhe si lojtar, përpara se të vazhdonte të nënshkruante për Rangers si trajner në vitin 2018.

Ish-mesfushori 42-vjeçar i Reds bëri përshtypje gjatë kohës së tij në Ibrox dhe udhëhoqi Rangers drejt titullit të Premierligës Skoceze në sezonin 2020/21.

Rangers kaloi sezonin pa humbur asnjë ndeshje në, me Gerrard që siguroi trofeun e tij të parë të madh si menaxher.

Lexo po ashtu Gerrard merr ofertë për postin e trajnerit të Polonisë

Sundimi trevjeçar i Gerrard në Rangers mori fund në nëntor të vitit 2021 pasi ai pasoi Dean Smith si menaxher të Aston Villa.

Ish-trajneri i Rangers e udhëhoqi Villan në vendin e 14-të në sezonin 2021/22 përpara se klubi anglez të pësonte një fillim të vështirë në sezonin 2022/23.

Villa fitoi vetëm dy nga 12 ndeshjet e para të ligës këtë sezon përpara se Gerrard të largohej nga klubi, me Unai Emery që e pasoi atë në postin e trajnerit.

Pas largimit të tij nga Villa Park, Gerrard ishte i lidhur me rolin e trajnerit të Polonisë përpara se bisedimet thuhet se u prishen.

Legjenda e Ligës Premier madje u shfaq si një kandidat shokues për postin e Paris Saint-Germain në javët e fundit mes presionit ndaj Christophe Galtier.

Lexo po ashtu Gerrard shihet si pasues i mundshëm i Galtier te Paris Saint-Germain

Duke folur për League Managers Association Magazine, Gerrard pranoi se atij iu “ofruan mundësi” si në nivel klubesh ashtu edhe në skenën ndërkombëtare.

“Duhet të rivendosni, të prisni dhe të jeni të duruar dhe të luftoni të ktheheni”, ka thënë fillimisht Gerrard.

“Më janë ofruar mundësi për të menaxhuar në nivel klubi dhe kombëtaresh që kur u largova nga Villa, duke përfshirë një mundësi emocionuese në një ligë jashtë shtetit, por asnjë nuk ka qenë e duhura për mua në këtë kohë”.

“Ndërkohë, më pëlqen të jem një shofer për vajzat dhe djalin tim të vogël”, përfundoi legjenda angleze. /Telegrafi/