Gennaro Gattuso është ndarë i zemëruar dhe ndjen keqardhje pas humbjes së Napolit nga Barcelona me rezultat 3-1.

Barcelona fitoi 3-1 në Camp Nou ndaj Napolit në ndeshjen kthyese të 1/8-tës së Ligës së Kampionëve dhe kaloi në çerekfinale me një rezultat të përgjithshëm 4-2.

Megjithatë, kjo humbje ka bërë që Gattuso të ndjej keqardhje, pasi sipas tij ekipi i tij luajti më mirë dhe u desh ta dënonte Barcelonën në fillim të takimit.

Messi dhuron spektakël ndaj Napolit, Barcelona siguron plasmanin në çerekfinale të Ligës së Kampionëve Messi dhuron spektakël ndaj Napolit, Barcelona siguron plasmanin në çerekfinale të Ligës së Kampionëve

“Kam shumë keqardhje. Ne u zhdukëm për gjysmë ore dhe pranuam tre gola të pabesueshëm. Unë jam i inatosur që pranuam nga episode të caktuara”, ka thënë fillimisht Gattuso pas ndeshjes.

“Pashë një ekip që gjithashtu e vuri Barcelonën nën presion të madh. Duhet të kishim shënuar dy gola herët, por përkundrazi pranuam. Më zemëron të pranoj një gol nga një lojë e caktuar. Më çmend”.

“Ne nuk kishim qëndrueshmëri të mjaftueshme, edhe pse filluam mirë dhe mund të kishim shënuar në minutat e para të ndeshjes”.

Setien: Fitore e merituar, ndeshje e vështirë ndaj Bayernit Setien: Fitore e merituar, ndeshje e vështirë ndaj Bayernit

“Lojtarët e mi janë të fortë, por për t’u bërë edhe më të mirë ata duhet të përmirësohen në qëndrimin e tyre”.

“Unë jam i zhgënjyer. Besoj se mund të kishim bërë më mirë”, përfundoi trajneri i Napolit. /Telegrafi/