0Shares

Java e XIV sjelli shumë ndeshje të bukura dhe rezultate interesante, duke vazhduar me Feronikelin dhe Prishtinën që janë në krye të renditjes.

Pikërisht Feronikeli dhe Prishtina morën fitoren minimale si mysafirë, duke mposhtur Ballkanin dhe Drenicën.

Drita ka ‘shokuar’ duke e humbur hapin me kreun, pasi pësoi në shtëpi ndaj Lirisë.

Trepça ’89 dhe Gjilani kanë barazuar (1-1), ndërsa Llapi fitoi si mysafirë i Ferizajt (1-o).

Flamurtari e ka mposhtur KEK-un me rezultat 4-3.

Redaksia e Telegrafi Sport ka listuar në një formacion më të dalluarit e javës së XIV.

Portier

I riu Flamur Gashi i Lirisë ishte më meritori për tri pikët e Lirisë në Gjilan.

Ai priti gjithçka që erdhi në drejtim të portës së tij, duke qenë yll i vërtet i këtij takimi.

Mbrojtja

Nga e djathta i pandalshmi Përparim Islami i Feronikelit që tregoi formë të lartë përballë Ballkanit.

Në qendër Armend Dallku i Prishtinës së bashku me Florian Dacin e Lirisë.

Në të majtë Armend Halili i Gjilanit. Ai ishte fantastik duke e neutralizuar tërësisht Gzim Rusin e Trepçës ’89.

Mesfusha

Mesfusha vjen me katër lojtarë. Në qendër të mesfushës Albutrin Morina i Feronikelit. Ai vrapoi shumë dhe ishte ndër më meritorët në fitoren e drenicasve.

Të avancuar janë Liridon Fetahaj që shënoi golin e fitores për Lirinë, Vilfor Hysa i Gjilanit dhe Shend Kelmendi i Llapit, që e shënoi golin e  fitores.

Sulmi

Sulmi vjen me dy kulla binjake. Abdul Basid Khalid (Prishtina) dhe Kastriot Rexha (Feronikeli) kanë bërë vend në formacionin e javës.

Ata të dy shënuan golat e fitores dhe në mesjavë do të jenë në mejdan përballë njëri-tjetrit. /Telegrafi/  

Të Ngjajshme
Shfaq Komentet (0)