Formacioni më i mirë i javës së 24-të në BKT Superligën e Kosovës në futboll

Janë mbyllur ndeshjet e javës së 24-të në BKT Superligën e Kosovës, ku nuk munguan derbit dhe ndeshjet e bukura.

Pa dyshim që ndeshja kryesore ishte ajo e zhvilluar mes Dritës dhe Gjilanit, që u mbyll baras 1-1.

Ballkani ka gabuar këtë javë, pasi që është  mposhtur nga Malisheva me rezultat 2-0. Llapi dhe Drenica kanë zhvilluar një ndeshje shumë të bukur që u mbyll baras 3-3.

Prishtina është kthyer te fitorja pasi mposhti Feronikeli me rezultat 3-0. Ndeshja e mbijetesës mes Ulpianës dhe Malishevës u mbyll baras 1-1.

Redaksia e Telegrafi Sport ka zgjedhur më të dalluarit e javës në pozitat e tyre, duke u bazuar në paraqitjet individuale, por edhe në sukseset e skuadrave.

Portier

Flamur Gashi i Malishevës ka zënë vend në katërkëndësh. Ai bëri disa pritje dhe e mbrojti portën e tij kundër Ballkanit, duke e përfunduar ndeshjen pa pranuar gol.

Është portieri i parë në pranverë që e arrin këtë sukses ndaj Ballkanit.

Mbrojtja

Mbrojtja vjen me katër. Në të djathtë është Arbër Pira, i cili përveç se zhvilloi një ndeshje shumë të mirë ndaj Ballkanit, ia arriti edhe të shënojë, që ishte goli i dytë i skuadrës së ti, apo i sigurisë.

Në qendër është Besnik Krasniqi, i cili vazhdon të luajë në të gjitha pozicionet e mbrojtjes te Prishtina. Ai përveç se shënoi ishte ideator i të tre golave që shënoi kampioni në fuqi.

Me të në krahë është Agon Xhaka i Malishevës, i cili bëri një ndeshje të madhe ndaj Ballkanit. Ai arriti t’i neutralizojë sulmuesit e rrezikshëm të Ballkanit, duke e konfirmuar formën e mirë që po kalon në këto javët e fundit.

Në të majtë është Arbër Shala i Dukagjinit. Anësori përveç se zhvilloi një ndeshje shumë të mirë, shënoi një super gol nga pothuajse nga 30 metra, më një goditje ‘raketë’.

Mesfusha

Edhe mesi i fushës vjen me katër. Para mbrojtës është Muhamed Useini që ishte më i dalluari në derbi ndaj Dritës.

Ai ndërpreu shumë aksione të rivalëve dhe nisi të tjera për skuadrën e tij që mori një pikë në këtë takim.

Para tij është Ilir Krasniqi i Llapit, që shkëlqeu në ndeshje ndaj Drenicës. Përveç se shënoi një gol, ai ishte ideator edhe i një goli tjetër duke gjetur në zonë ‘si me dorë’ njërin nga sulmuesit e skuadrës së tij.

Në krah të Krasniqit është Hamdi Namani i Dritës. Pa dyshim ishte fytyra më e ndritur e ish kampionëve në derbi. Ai vrapoi shumë, luftoi në mesfushë dhe me topin shpesh ishte i pandalshëm, duke e merituar një vend në formacion.

Mesfushori i tjetër në formacion është Ardi Shala i Ulpianës. Ai ishte ideator i lojë të lipjanasit ku të gjitha aksionet fillonin pikërisht nga Shala. Ai rrezikoi portën edhe me goditja nga distanca.

Sulmi

Sulmi kësaj radhe vjen me dy. Aty kanë zënë vend Mërgim Pefqeli që shënoi një super gol ndaj Ballkanit, gol që rrallë shihet në fushat tona. Ai vrapo shumë në këtë takim për ta ndihmuar skuadrën e tij që të marr një fitore të madhe.

Në vijën e parë është edhe Kreshnik Uka që po vazhdon me formë të shkëlqyer dhe këtë e konfirmoi edhe ndaj Llapit, ku shënio dy herë, në një ndeshje shumë të bukur.

Ai vazhdon të mbetet në garë për ‘Këpucën e Artë’ së bashku me Gerhard Prognin.

Trajneri i javës

Ky epitet këtë javë i takon Arsim Thaqit të Ballkanit. Skuadra e tij jo vetëm se fitoi ndaj liderit Ballkanit, por rrezikoi shumë pak prapa, ndërsa në sulm ka mundur të shënojë edhe gola të tjerë.

Kjo fitore ndaj Ballkanit, në fund kur të bëhen bilancet, mund të thotë shumë në luftën për mbijetesë.

Formacioni 

/Telegrafi/