Flet miku i Matthew Perryt: Ai i gënjeu të gjithë, nuk ishte kurrë i pastër

Rreth një muaj më parë vdiq ylli i “Friends”, Matthew Perry.

Raporti i tij i autopsisë doli të premten, në të cilin u zbulua se aktori që luante Chandler Bing vdiq për shkak të “efekteve akute të ketaminës”.

Megjithë karrierën e tij të shquar si aktor filmi dhe televizioni, Perry kishte folur hapur për luftën e tij me varësinë në të kaluarën.

Në fakt, një mik shumë i ngushtë ka deklaruar në një intervistë për Daily Mail se lidhja e tij me lëndët narkotike nuk ka përfunduar kurrë.

Personi në fjalë nuk ka dashur të tregojë identitetin e tij por ka deklaruar: “Ai ka gënjyer të gjithë se është i pastër. Ai kurrë nuk ishte. Është shumë e trishtueshme. Gënjeshtra më e madhe që ka thënë ka qenë ndoshta për veten e tij”.

Ai vuri në dukje se nganjëherë Perry mund të ishte “një person mjaft manipulues kur ishte fjala për betejat e tij me konsumin, ishte një luftë , një betejë dhe ai luftoi çdo ditë deri në fund”.

“Autopsia zbuloi se Matthew Perry kishte doza të larta ketamine në trupin e tij dhe se vdekja e tij ishte shkaktuar nga “efektet akute”; i drogës dhe shqetësimit të frymëmarrjes, megjithatë, niveli në trup ishte i ngjashëm me atë të një pacienti të shtruar në spital”.

Duhet kujtuar se deklarata e autopsisë pretendon se “me nivelet e larta të ketaminës të gjetura në mostrat e gjakut të tij pas vdekjes, efektet kryesore vdekjeprurëse do të ishin si nga stimulimi i tepërt kardiovaskular ashtu edhe nga depresioni i frymëmarrjes”.

Kjo mund të vërtetojë se aktori nuk kishte qenë esëll për 18 muaj, siç konfirmoi në tetor 2022.

I njëjti kishte deklaruar se shpenzoi afërsisht 9 milionë dollarë duke u përpjekur të përballonte varësinë e tij ndaj alkoolit. Dy vjet më parë ai ishte në gjendje të ripohonte se kishte lënë mënjanë varësinë e tij dhe se jeta e tij ishte më e shëndetshme. /Telegrafi/