LAJMI I FUNDIT:

Fitore minimale e Chelseat, vendos goli i Moratas

Fitore minimale e Chelseat, vendos goli i Moratas
(Photo by Mike Hewitt/Getty Images/Guliver)

Skuadra angleze Chelsea ka marrë fitoren e dytë në Ligën e Evropës, pasi ka mposhtur minimalisht 1-0 MOL Vidin.

Chelsea ishte dominuese ndaj skuadrës MOL Vidi qënga minuta e parë e ndeshjes.

Ishte mbrojtësi italo brazilian, Emerson Palmieri i cili rrezikoi seriozisht në minutën e 10-të, por që portieri mysafir ishte në vend.

Londinezët patën një rast të mirë shënimi gjashtë minuta më vonë me Pedro Rodriguez, por përsëri fati nuk iu buzëqeshi vendasve.

(Photo by Bryn Lennon/Getty Images/Guliver)

Në minutën e 39-të, Loftus-Cheek depërtoi bukur në zonë, por në momentin që po godiste topin u pengua nga mbrojtja kundërshtare.

Futbollistët vendas kërkuan penallti po kështu nuk mendoi gjyqtari çek, Zelinka.

Me rezultatin e bardhë 0-0 përfunduan 45 minutat e para të kësaj sfide.

Edhe në pjesën e dytë londinezët vazhduan sulmet në drejtim të portës së kundërshtarëve.

E goli i parë në ndeshje erdhi në minutën e 70-të kur Alvaro Morata shënoi pas asistimit nga Willian.

Londinezët patën rast të shënojnë golin e dytë pesë minuta më vonë, por goditja nga Barkley me kokë u ndal nga shtylla.

(Photo by Mike Hewitt/Getty Images/Guliver)

E në minutën e 83-të, mysafirët patën rastin më të mirë në ndeshje kur Kovacs doli përballë portierit Kepa, por intervenimi i spanjollit ishte fantastik dhe shpëtoi gol të sigurt.

Kësisoj Chelsea shënoi fitoren e dytë në Ligën e Evropës dhe kryeson në Grupin L me gjashtë pikë, tri më shumë se PAOK-u dhe Bate Borisov.

Në ndeshjen e radhës londinezët luajnë përsëri në Stamford Bridges përballë Bate Borisov, ndërsa MOL Vidi në Hungari pret PAOK-un. /Telegrafi/