Fikayo Tomori arriti të thyente rekordin e Cristiano Ronaldos për kërcimin më të lartë, në fitoren 3-0 të Milanit ndaj Juventusit në kuadër të Serie A.

Mbrojtësi i Chelseat që është në huazim te Rossonerët, arriti të shënonte golin e tretë në derbin e zhvilluar në ligën italiane.

Tomori arriti të linte poshtë tij mbrojtësit si Giorgio Chiellini dhe Matthijs de Ligt, e që kërcimi i tij ishte në 2.63 metra.

Në një krahasim, Ronaldo në takimin ndaj Sampdorias në vitin 2019 kishte kërcyer 2.54 metra, e që mbrojtësi anglez ka arritur ta thyejë rekordin e portugezit.

Tomori është bërë anglezi i parë që shënon për Milanin, që nga koha kur luante David Beckham për Milanin.

Lojtari 23-vjeçar duket se do të qëndrojë përfundimisht në San Siro, pasi Milani ka bërë të ditur se do ta aktivizojë klauzolën e lojtarit prej 28.9 milionë euro. /Telegrafi/