Federata Italiane nuk e ka lidhur asnjëherë Juventusin me mafinë

Prokurori i Federatës Italiane të Futbollit, Giuseppe Pecoraro, ka thënë se absolutisht asnjëherë nuk e ka lidhur Juventusin me mafinë.

Zonja e Vjetër dhe presidenti Andrea Agnelli në muajin e kaluar u përmendën në kuadër të Komisionit disiplinor të Federatës nën akuzën se janë takuar me ultrasit e lidhur me mafinë.

Lexo po ashtu Agnelli: Asnjëherë nuk jam takuar me shefat e mafisë

Bianconerët asnjëherë nuk e kanë mohuar faktin se u kanë dhënë bileta ultrasve, por kanë mohuar të kenë pasur njohuri për lidhjen e tyre me mafinë.

“Unë nuk e bëj punën e prokurorit të zakonshëm. Unë kujdesem për kontrollimin e biletave, pastaj nëse ekziston një depërtueshmëri në lidershipin e Juventusit, kjo nuk më intereson mua, është çështje e Komisionit”.

“Kam ardhur këtu që ta plotësoj atë që kam thënë më 7 mars të vitit të kaluar dhe me shpresën që t’u jap fund kundërthënieve që dolën pas asaj date”.

“Në asnjë moment nuk e kam lidhur presidentin Agnelli me ‘Ndrangheta (mafinë kalabreze), po ta kisha bërë këtë do ta uzurpoja rolin e një gjyqtari të zakonshëm”, ka sqaruar Pecoraro. /Telegrafi/