Këngëtarja Eliza Hoxha ka kohë që nuk ka sjell për publikun ndonjë projekt të ri muzikor.

Ajo vazhdon jetën e përditshme në profesionin e saj si arkitekte dhe ligjëruese në UP, ndërsa është mjaft aktive dhe e ndjekur në rrjetet sociale.

Foto: Eliza Hoxha/Instagram

Së fundmi, këngëtarja ka vendosur që të ndajë me ndjekësit e saj një shqetësim që ka të bëjë me disa nga fqinjët që ka pranë banesës së saj.

Bëhet fjalë për disa studente, të cilat jetojnë në apartamentin ngjitur me Elizën, e të cilat mesa duket nuk janë aq të kujdesshme me mbeturinat.

Eliza ka publikuar një fotografi të thesit me mbeturina të lënë nga studentet në korridorin e banesës, me ç’rast thesi ka shkaktuar një aromë të keqe për të gjithë ata që kalojnë aty.

Foto: Eliza Hoxha/Instagram

Këngëtarja dhe arkitektja shkruan në mbishkrimin e fotografisë se është munduar t’i ndërgjegjësojë studentet, mirëpo ka qenë e pamundur, pasi të njëjtat e kanë kërcënuar edhe me lajmërim në polici për shqetësim ndaj tyre.

“Pershendetje nga banesa nr.17 me berlloge e arome “te kandshme”. Ketu jetojne nja 3/4 vajza te reja – studente te bukura njera nga te cilat para do kohe kur i trokita ne dere per pune te berllogut qe mos me e lane ne hyrje – me tha kam me lajmeru policine per shqetesim – me demek nga une… Ato vazhdojne me lane berllogun te dera e tyre ne hyrje e une po vazhdoje mu permbajt mos me ju trokite ma ne dere ketyre berllogxhikeve te bukura. Keshtu qe po e ndaje me juve kete pamje qe nuk eshte rast unik vetem i hyrjes ku jetoj une-fatkeqsisht Mjere ne cfare rinie e cfare kulture apo ma mire me thane cfare jokulture urbane”, janë fjalët e Eliza Hoxhës në Instagram. /Telegrafi/

Foto: SC/Eliza Hoxha/Instagram