Edona James: Kosova më ka gjykuar për një intervistë që e kam dhënë vite më parë, më thoshin ‘vare veten, je haram’

Në fazën e gjysmëfinales së “Big Brother VIP Kosova”, tensionet janë të larta dhe emocionet në kulmin e tyre, teksa konkurrentët janë vënë përballë një sërë pyetjesh të drejtpërdrejta dhe të ashpra nga publiku.

Në këtë raund të pyetjeve, veçanërisht një pyetje ka rezonuar fort në muret e shtëpisë: “Përse bullizon kaq shumë në shtëpi, kur ty gjithë jetën të kanë bullizuar?”. Pyetja u bë për Edonën, transgjinoren e njohur të formatit BBVK.

Përgjigja e Edonës reflektonte peshën e përvojave të saj personale dhe sfidat me të cilat është përballur: “Sepse unë jam bullizuar, ofenduar e gjykuar tërë jetën. Jam mësuar pa ia nis lufta, me luftu”.

Ajo përshkroi se si shoqëria kosovare e ka trajtuar ashpër pas një paraqitje të saj televizive, “Kosova më ka gjykuar shumë për një intervistë që e kam dhënë në Klan”, dhe si i është kërkuar të ndërmarrë veprime ekstreme ndaj vetes, duke pasqyruar një lloj përçmimi dhe mosmiratimi ekstrem.

Lexo po ashtu MC Beka për Edona James: Jam i dëshpëruar me popullin që e përkrah të keqen, çka lypi ajo në Beograd - pse nuk qëndroi atje

Ky moment i ndershëm dhe i fortë tregoi jo vetëm sfidat që Edona ka përballur si individ, por edhe sfidat komplekse me të cilat përballen shumë persona në shoqërinë e sotme që janë subjekt i bullizmit dhe diskriminimit.

Debati i brendshëm në “Big Brother VIP Kosova” reflekton një dialog më të gjerë shoqëror që po zhvillohet jo vetëm në Kosovë, por edhe në mbarë botën, rreth bullizmit, tolerancës dhe nevojës për të kuptuar më mirë dhe mbështetur ata që janë nën presion nga normat dhe paragjykimet shoqërore. /Telegrafi/