Deputetja më e re nga Lidhja Demokratike e Kosovës, Teuta Rugova, i është rikthyer sot (e premte) karriges së deputetes në Kuvendin e Kosovës, pas një mungese disa mujore.

Ajo është parë sot në sallën e Kuvendit, ku u diskutua për projektligjin e buxhetit për vitin 2018.

Deputetja Rugova nuk u shpëtoi blicit të kamerave dhe fotografëve që gjendeshin në sallë, të cilët e kapën atë në disa imazhe në të cilat dukej mjaft tërheqëse dhe atraktive.

E veshur me një fustan të zi të shkurtër, kombinuar bukur me një setër kafe, Teuta arriti që të rrëmbejë vëmendjen e gjithë të pranishmëve. Dukjen e saj, deputetja e LDK-së ia beson gjithnjë kunatës së saj, stilistes së njohur Blerina Kllokoqi-Rugova.

Ajo është shquar gjithmonë si një ndër deputetet më të bukura të Kuvendit, ndërsa këtë e vërtetojnë edhe imazhet në fjalë.

Rugova është parë e buzëqeshur dhe në disponim teksa bisedonte me bashkëpartiakun e saj, Anton Qunin. /Telegrafi/