Haxhi Krasniqi është shpallur kampion i Evropës (EBU) në boks në kategorinë super të mesme.

Boksieri shqiptar pati një paraqitje fantastike ndaj rusit Stanyslav Kashtanov, të cilin e mposhti pas vendimit të gjyqtarëve në WeeArena.

Pas triumfit të Krasniqit, në ring është ngjitur edhe e fejuara e tij Heidi Lushtaku duke e uruar dhe përgëzuar.

Në një moment drejtuesi i këtij meçi, e pyeti atë se sa ka qenë e vështirë që të kujdeset për Krasniqin pasi ai nuk ka guxuar të shtojë peshë.

Heidi Lushtaku dhe Haxhi Krasniqi

Sipas të fejuarës së Krasniqit, ka qenë një sfidë e madhe por tani pas meçit do t’i gatuajë fli.

“Ka qenë një sfidë e madhe e përbashkët dhe jam krenare me të”.

“Pas meçit me siguri se do të kërkojë t’i gatuajë fli që është ushqim tradicional i shqiptarëve”.

“Gjithashtu Haxhiu kërkon të hajë edhe dezerto dhe çokollata dhe sigurisht se do të shtojë peshë”, tha Heidi Lushtaku. /Telegrafi/