E ardhmja e Moratas te Juventusi në dyshim, Arsenali përgatit ofertën

Alvaro Morata dëshiron të qëndrojë në Juventus, por Arsenali është gati të ofrojë 30 milionë euro për të nënshkruar me spanjollin.

Periudha dyvjeçare e Moratas në Torino përfundon në verë dhe Juventusi nuk do të aktivizojë opsionin e tyre prej 35 milionë euro për ta bërë lëvizjen e tij të përhershme.

Zonja e Vjetër ka investuar tashmë 20 milionë euro në transferimin e përkohshëm të lojtarit në vitin 2020 dhe nuk është i gatshëm të ofrojë më shumë se 15 milionë euro për ta nënshkruar atë në një marrëveshje të përhershme.

Lexo po ashtu Gjashtë lojtarë të Juventusit nuk e kanë të ardhmen e sigurt në “Allianz Stadium”, me emra të njohur si Alvaro Morata e Arthur në listë

Sipas Il Corriere dello Sport dhe SportMediaset, Arsenali është gati t’i ofrojë 30 milionë euro Atletico Madridit për të nënshkruar me Moratan në verë.

Kjo do të mjaftonte për të bindur Los Colchoneros të shesin Moratan, kontrata e të cilit në Wanda Metropolitano skadon në vitin 2023.

29-vjeçari dëshiron të qëndrojë në Torino, por është i vetëdijshëm se e ardhmja e tij në klub nuk varet nga ai.

Lexo po ashtu Morata: Dua të qëndroj, por e ardhmja nuk varet nga unë

Juventusi po përpiqet të negociojë një tarifë më të ulët me Atleticon, por gjigantët e La Ligës nuk janë në nxitim për të arritur një marrëveshje, veçanërisht për një tarifë më të ulët se 30-35 milionë euro.

Mbetet për t’u parë nëse reprezentuesi spanjoll do të pranojë të kthehet në Ligën Premier pas kohës së tij të mundimshme te Chelsea, ku ai shënoi 24 gola në 72 paraqitje midis viteve 2017 dhe 2019. /Telegrafi/

La Juve si muove: Morata verso l’Arsenal, Milinkovic vuole Torino #Juventus #Morata #Sportmediaset #Milinkovic-Savic https://t.co/85qst4g6da pic.twitter.com/zpvccZRMuu

— SportMediaset.it (@sportmediaset) April 13, 2022