Ipko Superliga e Kosovës vazhdon me ndeshjet e xhiros së dytë, dhe në orar për sot janë dy takime.

Xhiro e dytë nisi me ndeshjen Drenica – Llapi, e fituar nga vendasit me rezultat të thellë 3:0 në stadiumin ‘Bajram Aliu’

Të shtunën, dy ndeshje tjera janë të planifikuara për t’u zhvilluar.

Është skuadra e Ferizajt që pas fitores në xhiron e parë ndaj Dritës, do të jetë nikoqir i Gjilanit.

Gjilanasit vijnë në këtë sfidë pas humbjes së thellë 4-1 nga Trepça ’89 dhe synojnë t’i marrin pikët e para.

Ndeshja kryesore e javës zhvillohet në qytetin e Therandës.

Ballkani i përforcuar dukshëm do të jetë nikoqir i kampionit në fuqi të Kosovës, Feronikelit.
Skuadra e Ismet Munishit mori një barazim në ndeshjen e parë, ndërsa synon t’i marrë për herë të parë këtë edicion pikët e plota.

Në anën tjetër kampionët e Kosovës e nisën për mrekulli duke marrë një fitore 4-1, ndërsa tani kanë për synim të largohen të pamposhtur nga Theranda.

Të dyja takimet fillojnë me fillim nga ora 17:00. /Telegrafi/