“Dukesh e mrekullueshme” – Fjalët e Princit Harry pasi Meghan arriti në altar në fustanin spektakolar, por të thjeshtë

Princi Harry është shfaqur tejet emocional teksa e ka parë për herë të parë në fustan të bardhë Meghan Markle.

Dhëndrri 33 vjeçar qëndroi në altar në Windsor teksa buzëqeshi në momentin kur nusja ecte në drejtim të tij.

Meghan arriti e shoqëruar nga dy djem të vegjël që mbanin fustanin e saj teksa ecte drejt altarit e vetmuar.

Ajo është shfaqur me një fustan të thjeshtë, me mëngë të gjata ngjyrë të bardhë dhe me një vellë që mbuloi fytyrën e saj.

Meghan arriti në kishë për martesën e saj me Princin Harry me një fustan spektakolar të realizuar nga disenjatorja Claire Waight Keller.

Nusja 36 vjeçare për herë të parë u shfaq për milionë ndjekës anë e kënd botës teksa zbriti nga makina para Windsor Castle.

Ajo qeshi dhe përshëndeti adhuruesit e pranishëm në ceremoninë më të rëndësishme të saj. Mbrëmjen e fundit si e pa martuar ajo qëndroi 10 milja larg vendit ku po mbahet ceremonia.

Mbrëmja do të mbyllet me një pritje për mysafirët dhe çiftin në St. Georges Hall.

Meghan dhe Harry u takuan kohë më parë dhe konfirmuan fejesën e tyre në mesin e shumë polemikave pasi ish aktorja përpos që është më e moshuar se Harry, kishte qenë më parë edhe pjesë aktive e shoubizit. /Telegrafi/