Ashtu siç kishte paralajmëruar, artistja shqiptare me renome botërore, Dua Lipa, solli të enjten këngën e saj më të re "Swan Song".
Kënga në fjalë është njëherësh kolona zanore e filmit "Alita: Battle Angel", i cili ka premierën këtë vit.
Vet Dua është shprehur shumë e entuziazmuar për këtë projekt muzikor, i cili e ka sjell më ndryshe në interpretim artisten shqiptare.
“‘Alita: Battle Angel’! Kënga zyrtare nga filmi 'Alita', e realizuar me ndihmën e miqve të mi Justin, Kennedi, Junkie XL dhe Mattman & Robin. Jam shumë krenare që jam përfshirë në këtë film të mrekullueshëm më një protagoniste femër të fortë”, kishte shkruar këngëtarja javë më parë në Instagram.
Kënga është vizualizuar edhe me klip, në të cilin Dua këtë radhë shfaqet mjaft artistike me plot elemente mistike, dhe që e sjell artisten në performancën e një vajze superheroinë.
“Alita: Battle Angel” është një film aksion kibernetik i bazuar në veprën e Battle Angel Alita që në Japoni njihet si Gunnm.
James Cameron dhe Jon Landau janë producentë të filmit me regji të Robert Rodriguezit, ndërsa skenarin e ka shkruar Cameron me Laeta Kalogridis. Rosa Salazar, Christoph Waltz, Jennifer Connelly, Mahershala Ali, Ed Skrein, Jackie Earle Haley e Keean Johnson luajnë në rolet kryesore.
Premiera e këtij filmin në Shtetet e Bashkuara të Amerikës është caktuar për datën 14 shkurt 2019. /Telegrafi/
