Barcelona do të mundohet ta harrojë sa më shpejtë humbjen nga Granada (2-0) dhe situatën rreth trajnerit Ernesto Valverde.

Ka shumë raportime që Barcelona është duke e menduar shkarkimin e tij dhe ndeshjet e radhës do të jenë vendimtare.

Por një lajm i mirë në kampin e Barcelonës ka ardhur sot, pasi Ousmane Dembele është tubuar me ekipin dhe do të jetë i gatshëm për sfidën me Villarrealin.

Ai mungon nga ndeshja me Athletic Bilboan, shkaku i një dëmtimi në muskuj.

Barca e ka publikuar skuadrën për ndeshjen e së martës, ku shihet rikthimi i francezit.

Edhe Lionel Messi do të jetë i gatshëm për këtë ndeshje, pasi ndaj Granadas, luajti vetëm për 45 minuta. /Telegrafi/