Dani Alves e ka pohuar se ka pasur mundësi të kthehej në Barcelonë dhe Juventus në këtë verë, por e ka zgjedhur Sao Paulon.

Alves ishte në dispozicion për tu transferuar falas këtë verë pasi kontrata e tij me Paris Saint-Germain skadoi në qershor.

Edhe pse kishte disa mundësi, braziliani vendosi të kthehej në atdhe duke nënshkruar një kontratë tre-vjeçare.

Daniel Alves te Sao Paulo. (Photo by Miguel Schincariol/Getty Images)

Ai ka qenë i lidhur me një rikthim të bujshëm në Camp Nou ose në Allianz Stadium.

“Kam pasur rastin të kthehem te Juventus. Unë gjithashtu pata rastin të kthehem te Barca, sepse e doja këtë”.

Alves te Juventus . (Photo by Giuseppe Bellini/Getty Images)

“Unë nuk vendos se çfarë bëj papritmas. Unë mendoj: Çfarë do të më japë ky klub?”.

“Por, për shembull, asnjë prej tyre nuk kishte diçka që unë doja, përveç ekipit të ëndrrave të mia”, ka thënë Alves.

Dani Alves te Barcelona . (Photo by Alex Caparros/Getty Images)

Braziliani e ka nisur mirë sfidën e re me gola dhe asistime. /Telegrafi/