Dallas Mavericks ka befasuar Philadelphia 76ers duke ia shkaktuar humbjen e dytë para tifozëve të vet.

Skuadra nga Teksasi edhe pse në mungesë të yllit kryesor Luka Doncic ka marrë një fitore të thellë me 19 pikë diferencë 98:117.

Tim Hardaway JR me 27 pikë ishte basketbollisti më efikas në këtë takim për Mavericks.

E me lojë të mirë u dallua edhe qendra letoneze Kristaps Porzingis me 22 pikë e 18 kërcime.

Dallas me këtë fitore ngritët në pozitën e katër në Konferencën e Perëndimit me bilanc prej 19 fitoreve e nëntë disfatave.

Fitore ka shënuar edhe kampioni në fuqi Toronto Raptors, që para tifozëve të vet ka mposhtur Washington Wizards me rezultat të ngushtë 122:118.

Fundori Kyle Lowry ishte më meritori për këtë fitore të Raptors me 26 pikë, katër kërcime e nëntë asistime.

Raptors ndodhen në pozitën e katërt në Lindje me bilanc prej 20 fitoreve e tetë humbjeve. /Telegrafi/

Rezultatet:

Cleveland – Memphis 114:107

Indianca – Sacramento 119:105

Boston – Detroit 114:93

Toronto – Washington 122:118

Miami – New York 129:114

Oklahoma – Phoenix 126:108

Philadelphia – Dallas 98:117

Denver – Minnesota 109:100

Portland – Orlando 118:103

Golden State – Pelicans 106:102