Cristiano Ronaldo fiton Topin e Artë 2017 (Foto)

Revista e njohur francez France Football ka zbuluar edhe pesë emra finalistë që ishin në garë për Topin e Artë 2017, me yllin portugez të Real Madridit, Cristiano Ronaldo që ka fituar çmimin prestigjioz për këtë vit, duke barazuar kështu rekordin e Lionel Messit me pesë të tillë.

Ceremonia zyrtare për ndarjen e çmimit të madh individual Topi i Artë, i cili dhurohet nga revista franceze France Football  ka përfunduar me ndarjen e çmimit kryesor.

Topi i Artë për vitin 2017 këtë vit ishte një ceremoni më të veçantë, e cila u mbajt nën objektin ikonë të qytetit të Parisit, Kullën e Eifelit.

Revista France Football ka përmbyllur zbulimin e emrave që ishin në listë për garën e fitimit të Topit të Artë.

Pas zbulimit të 25 emrave të parë të eliminuar nga gara që zinin pozitat nga 30-6, tani numrit i janë shtuar edhe pesë emra finalistë.

Ylli i Real Madridit, Cristiano Ronaldo është zgjedhur si fitues i çmimit të madh prestigjioz që e ndan revista franceze France Football, Topi i Artë.

Kështu, sulmuesi i Los Blancos ka barazuar rivalin e tij më të madh, Lionel Messin, me pesë Topa të Artë.

Sulmuesi argjentinas i Barcelonës ka përfunduar i dyti në këtë garë, ndërsa në vendin e tretë ka përfunduar ylli i Paris Saint-Germain, braziliani Neymar.

Pozita e katërt i ka takuar ikonës italiane të Juventusit, Gianluigi Buffon, ndërsa lista e finalistëve është mbyllur me Luka Modricin në vendin e pestë. /Telegrafi/

5.Luka Modric

4.Gianluigi Buffon

3.Neymar

2.Lionel Messi

1.Cristiano Ronaldo