Inter nuk ka nevojë të nënshkruajë me Zlatan Ibrahimovicin ka thënë trajneri i tyre, Antonio Conte, pasi beson dhe ka respekt për lojtarët e tij.

Pasi shkuan si të pamposhtur në shtatë ndeshjen e para në nën Conte, Interi humbi dy ndeshjet e tyre të fundit – kundër Barcelonës në Ligën e Kampionëve dhe nga Juventusi në Serie A.

Ndërkohë, lëndimet e Stefano Sensit dhe Alexis Sanchez, kanë varfëruar skuadrën e Contes për testin e së dielës me Sassuolon.

Ibrahimovic: Mund të kaloj te Napoli, Interi apo Bologna Ibrahimovic: Mund të kaloj te Napoli, Interi apo Bologna

Ish-sulmuesi i Interit, Ibrahimovic – kontrata e të cilit me LA Galaxy skadon në dhjetor, ka pretenduar se ai do të ishte i hapur për një rikthim në Serie A, por  Conte nuk beson se skuadrës së tij i duhet një lojtar i cilësive të suedezit.

“Unë nuk flas për lojtarë që nuk janë të ekipit tim. Nuk do të ishte respekt”, ka thënë fillimisht Conte një konference për shtyp kur u pyet nëse Interi mund ta merrte Ibrahimovicin.

“Kam respekt për Ibrën natyrisht, ai është një lojtar me cilësi. Ai ka bërë histori në këtë lojë”.

Ibrahimovic i premton Lukakut 60 euro për çdo pranim të mirë të topit Ibrahimovic i premton Lukakut 60 euro për çdo pranim të mirë të topit

“E respektoj atë dhe e vlerësoj atë, por nuk është e drejtë të flasësh për të tjerët, gjithashtu sepse kam shumë besim te lojtarët e mi dhe kam shumë respekt për skuadrën time”.

“Do të bëjmë më mirë dhe do të përmirësohemi. Nga këto pengesat ndaj Juves dhe Barçës duhet të kthehemi më të fortë”, përfundoi trajneri i Interit. /Telegrafi/