Cher konfirmon lidhjen me producentin 40 vjet më të ri, Alexander Edwards: Dashuria nuk e njeh matematikën

Cher ka konfirmuar lidhjen e saj me producentin e muzikës, Alexander Edwards në Twitter të shtunën (5 nëntor) teksa ndau një foto të të dashurit të saj së bashku me një ’emoji’ zemre.

Krijuesja e hiteve, 76 vjeçe, zbuloi se ajo trajtohet ‘si një mbretëreshë’ nga e partneri i saj 36-vjeçare.

Këngëtarja, e cila tashmë e ka prezantuar Aleksandrin me familjen e saj, nuk i ka penguar diferenca prej 40 vitesh që ka me të duke thënë: ‘Dashuria nuk njeh matematikë’.

Një fans i kërkoi asaj të konfirmonte lidhjen dhe ajo e bëri derisa shtoi se ata u takuan për herë të parë gjatë Javës së Modës në Paris muajin e kaluar, shkruan DailyMail.

“Nuk po mbrohem. Urrejtësit do të urrejnë…A nuk ka rëndësi që ne jemi të lumtur dhe nuk shqetësojmë askënd”, tha Cher.

Njoftimi vjen pasi çifti u pa të kapur për dore në restorantin e Hollywood Craig në fillim të kësaj jave.

Alexander njihet më së shumti për lidhjen me ish-in e Kanye West, Amber Rose, 39 vjeç, me të cilën ka një djal tre-vjeçar Slash Electric Alexander Edwards.

Në gusht, Amber akuzoi producentin se kishte lidhje me 12 njerëz të ndryshëm dhe më vonë ai u shfaq në rrjetet sociale për të pranuar se e kishte tradhtuar.

Megjithatë, Cher injoroi shqetësimet e fansave duke thënë: “Jam e dashuruar, nuk jam e verbuar prej saj”.

Alexander është nënkryetar i departamentit të artistëve dhe repertorit të kompanisë muzikore Def Jam, i cili ka nënshkruar artistë si Rihanna, Justin Bieber, 2 Chainz, DMX dhe Jhene Aiko.

Nga Oakland, Kaliforni, Alexander lindi në 1986 dhe dikur u shfaq në një episod të Keeping Up With The Kardashians.

Cher është dy herë e divorcuar dhe ka djalin, Chaz Bono, 53 vjeç, me ish-bashkëshortin e saj të ndjerë Sonny Bono, i cili vdiq në vitin 1998 në moshën 62-vjeçare nga plagët e marra pasi goditi një pemë gjatë skijimit.

Ajo ishte e martuar më vonë nga viti 1975 deri në 1978 me këngëtarin e ndjerë Gregg Allman, i cili vdiq në vitin 2017 në moshën 69-vjeçare. Cher dhe Gregg kanë një djal, Elijah Blue Allman, 46 vjeç.

Cher ka thënë më herët se shoqërohet me meshkuj më të rinj – pasi u takua me Ron Zimmerman, i cili është 12 vjet më i ri, Tom Cruise, kur ai ishte 23 vjeç dhe ajo ishte 38, dhe Richie Sambora e Bon Jovi, i cili është 13 vjet më i ri se ajo. /Telegrafi/