Chelsea dhe United ndajnë 120 milionë euro për Higuainin

Pas dëshirave për Paulo Dybalan, Leonardo Bonuccin dhe Giorgio Chielinin e të tjerë, së fundmi, media angleze në kor lëshon bombën: Manchester United dhe Chelsea janë gati të ofrojnë 100 milionë funte (120 milionë euro) për Gonzalo Higuainin.

“Pipita” shihet si përforcimi i duhur në sulm për të dyja skuadrat, kjo e shtyrë edhe nga fakti se sulmuesit e klubeve respektive mund të përshëndesin këtë verë.

Jose Mourinho sheh te sulmuesi argjentinas i Juves zëvendësuesin ideal të Zlatan Ibrahimovicit dhe, kur bëhet fjalë për emra të tillë si juventini, United nuk është nga ato klube që e ka problem të lëshojë shifra marramendëse, siç bëri verën e kaluar me një tjetër ish-lojtar të Massimillliano Allegrit, mesfushorin Paul Pogbas, të paguar 110 milionë euro.

Nga ana tjetër, edhe Chelsea duhet të bëjë llogaritë me të ardhmen e Diego Kostës, i cili duket i joshur nga shifrat e çmendura që vijnë nga Kina. Prandaj, trajneri Antonio Konte i ka kërkuar miliarderit Roman Abramovich pikërisht numrin 9 të Juves, për t’i dhënë të njëjtën peshë sulmit të tij, në pritje të sezonit të ardhshëm. /Telegrafi/