Përzgjedhësi i Kosovës, Bernard Challandes, nuk di për humbje prej se është në krye të Kosovës.

Edhe barazimit që skuadra e tij i ka marr, ka qenë shpesh më e mirë se sa kundërshtari.

Trajneri zviceran e ka gjetur mënyrën më të mirë për t’i motivuar futbollistët e Kosovës dhe këtë e ka treguar pas ndeshjes.

Para se të dilnin në fushë, Challandes u ka kujtuar futbollistëve përjetime e rënda të popullit të Kosovës dhe familjeve të tyre.

“U kam folur për historinë e Kosovës që ka vuajtur shumë vjet. U kam thënë lojtarëve se ju nuk mund të jeni lojtarë si të tjerët duke marrë parasysh vuajtjet e prindërve dhe gjeneratave të shkuara në Kosovë”.

“Ata ishin të mrekullueshëm. Luajtën me zemër për Kosovë”, ka thënë Challandes pas ndeshjes.

‘Dardanët’ arritën fitore spektakolare mbrëmë në Sofje, duke triumfuar krejt në fund me rezultat 3-2.

Kjo fitore i mbanë gjallë shpresat për një kualifikim në Euro 2020 përmes eliminatoreve. /Telegrafi/