“Berlusconi është i kënaqur me ne”

Milani i Vincenzo Montellas e ka nisur mjaftë mirë këtë edicion në Serie A.

‘Rossonerët’ sot do të përballen me një kundërshtar shumë të vështirë siç është Fiorentina.

Trajneri i Milanit, Vincenzo Montella ka thënë se numri një i kuqezinjve, Silvio Berlusconi është i kënaqur me klubin.

“Me Berlusconin kam folur në ditët e para. Ai kishte në mendje një skuadër tërësisht italiane dhe sigurisht që është i lumtur për atë që kishte menduar paraprakisht dhe sepse gjërat po ecin në këtë sens”, deklaroi Montella.

Lexo po ashtu Las Palmas shkas për një rekord jo të mirë të Zidanes me Real Madridin

“Dy fitoret janë harruar që tani, jemi të përqendruar tek e tashmja dhe te një ndeshje më e vështirë, sepse Fiorentina vjen nga sezone të rëndësishme”.

“Vështirësia është shumë e madhe. Gjëja më e rëndësishme do të jetë të shohim se me çfarë vazhdimësie po rritet skuadra jonë”.

“Rikthimi në Firenze? Kam kaluar tre vite të bukura. Largimi im është karakterizuar nga sinqeriteti. I shpjegova klubit se nuk kisha më motivim për të vazhduar dhe cikli im atje duhej mbyllur”, përfundoi Montella. /Telegrafi/