Bayern Munich është i interesuar për mesfushorin e Romës, Cengiz Under, që shihet si zëvendësim afatgjatë për Arjen Robben.

Turku u bashkua me Giallorossët për 13.4 milionë euro plus bonuse në verën e 2017.

Ai ka pasur një nismë të ngadaltë, por që është kthyer fuqishëm këtë edicion.

Cengiz Under i Romës . (Photo by Paolo Bruno/Getty Images)

Forma e tij e mirë nuk ka lënë pa u vënë re nga Arsenali dhe Manchester City, që edhe më parë kanë qenë të lidhur me një ofertë për të.

Calciomercato.com shkruan se Bayerni tani janë të interesuar dhe janë të gatshëm të paguajnë deri në 60 milionë euro.

Roma duke festuar golat. (Photo by Paolo Bruno/Getty Images)

Bavarezët e shohin nën si një zëvendësim ideal për Robben, i cili i kthen 35 në janar.

Gjermania mund të jetë një destinacion ideal për 21-vjeçarin, pasi ka një diasporë të madhe turke në këtë vend. /Telegrafi/