Samuel Umtiti mund të largohet nga Barcelona pas pesë viteve qëndrim në Camp Nou.

Në fakt largimi i tij i mundshëm do t’i gëzonte të gjithë në Camp Nou,pasi ai ka një pagë shumë të lartë prej 12 milionë eurove në sezon.

Barcelona po përballet me probleme të mëdha financiare dhe kërkon të largojë disa nga lojtarët e shumë paguar për të shkurtuar buxhetin vjetor të pagave.

Francezi mbetet në krye të listës për tu larguar pasi është ndër më të paguarit në klub.

Mediat spanjolle kanë raportuar se largimi i tij këtë verë nga Barcelona duket mëse i sigurt.

Benfica dhe Lyon janë dy skuadrat që kanë shprehur interesim për afrimin e lojtarit.

Barça është e gatshme ta lejoj falas largimin e tij vetëm e vetëm të heqë dorë nga paga prej 12 milionë eurove që merr francezi.

Umtiti është pjesë e Barcelonës që nga viti 2016, por ka pasur probleme me lëndime dhe ka luajtur vetëm në 132 ndeshje zyrtare. /Telegrafi/