Barcelona fiton me lehtësi ndaj Alavesit, shkëlqen treshja ‘MSG’

Barcelona ka fituar në shtëpi me rezultat të thellë 4-1 takimin ndaj Alavesit nuk kuadër të javës së 18-të në La Liga.

Ekipi i Ernesto Valverdes është rikthyer te fitorja pas dy barazime dhe tani gjenden lider në kampionat.

Pjesa e parë e takimit u karakterizua me dominim të katalunasve, të cilët përveç rasteve shënuan edhe dy gola.

Goli i parë i ndeshjes erdhi në minutën e 14-të të ndeshjes me anë të Antoine Griezmann, i cili shënoi për 1-0, ndërsa Arturo Vidal (45’) shënoi për 2-0.

HALF-TIME!

2️⃣ BARÇA (@AntoGriezmann, 14'; @kingarturo23, 45')
0️⃣ ALAVÉS

Match Center Live: https://t.co/XvvAKjWEee pic.twitter.com/oI6lVhobUX

— FC Barcelona (@FCBarcelona) December 21, 2019

Në pjesën e dytë, gjithashtu vendasit e dominuan takimin duke shënuar dy gola, kundrejt një të mysafirëve.

Të parët në këtë pjesë shënuan mysafirët me anë të Pere Pons (56’) që shënoi me kokë për 2-1, por Lionel Messi doli në skenë me një supergol në minutën e 69-të duke shënuar për 3-1 pas asistimit të Luis Suarezit.

Pas tri asistimeve në këtë ndeshje, Suarez e shkroi emrin edhe te lista e shënuesve pasi në minutën e 75-të shënoi për 4-1 dhe vulosi rezultatin përfundimtar.

HAPPY HOLIDAYS!

4️⃣ BARÇA (@AntoGriezmann, 14'; @kingarturo23, 45'; #Messi, 69'; @LuisSuarez9, 75' pen.)

1️⃣ ALAVÉS (Pere Pons) pic.twitter.com/FLnNGgnjbK

— FC Barcelona (@FCBarcelona) December 21, 2019

Pas kësaj fitore, Barcelona e sheh veten në pozitën e parë me 39 pikë apo tri më shumë se Real Madridi i dyti me një ndeshje më pak, ndërsa Alavesi zë vendin e 15-të me 19 pikë.

Në ndeshjen e radhës, katalunasit udhëtojnë te Espanyoli për derbin lokal, ndërsa Alavesi e pret Real Betisin. /Telegrafi/